VOV4.K’ho - Mho òr (16/8), tàm hìu lơh broă Gơnoar atbồ lơgar, ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar neh tìp ală cau pơlòng, cau bơto mpồl tàp pràn să jan Việt Nam tus pơlòng Olimpic nam 2016, tàm hơ\ geh cau kèr cuh phào Hoàng Xuân Vinh, là cau neh geh 1 nơm gai lòng biàng mờ 1 nơm gai lòng trà môn cuh phào, cèng wơl bơta pơnyờ să, chờ hờp gah tàp pràn să jan lơgar Việt Nam in. Tàm dơ\ tìp, ồng Nguyễn Xuân Phúc neh đơs tòm, cồng nha bơh mpồl tàp pràn să jan Việt Nam tàm dơ\ pơlòng Olimpic Rio 2016 neh cèng wơl nùs nhơm chờ hờp, pơnyờ să ngan tus mờ mpồl tàp pràn să jan lơgar Việt Nam in. Gai lòng biàng bơh Hoàng Xuân Vinh kung là cồng nha bal mpồl tàp pràn să jan Việt Nam dê. Do là bơta lam sồr dờng màng kờ` mpồl tàp pràn să jan Việt Nam pơn jăt tai sơlèt mờ kal ke, geh uă cồng nha dờng màng tàm tơngai tus. Tàm dơ\ tìp, ồng Nguyễn Xuân Phúc neh jàu gai lòng Lơh broă khà 1 ai Đại tá Hoàng Xuân Vinh in; jàu gai lòng Lơh broă khà 2 ai mò Nguyễn Thị Nhung, cau atbồ mpồl bơto cuh phào Việt Nam mờ jàu gai lòng g^t gơ\p, lơh bơyô ồng Park Chung Gun, cau chài bơto cuh phào lơgar Hàn Quốc in.

                    Cau cih mờ yal tơng^t Ndong Brawl