VOV4.K’ho - Tàm dơ\ tus còp mùl màl lơgar Nga, mho òr (17/5), ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar neh geh dơ\ tìp mờ ồng Sergei Naryshkin, kuang atbồ Gơnoar ala măt [òn lơgar, lơgar Nga.

Tàm dơ\ tìp, ồng Nguyễn Xuân Phúc neh chờ gờm ală cồng nha mờ lơgar Nga neh geh tàm broă ring niam mờ tơnguh bơtàu lơh sa-mpồl bơtiàn, tơnguh bơngă dờng lơgar Nga dê, tàm hơ\, Gơnoar ala măt [òn lơgar Nga mờ gơnoar là anih lơh broă tơl niam adăt boh lam ai broă tơnguh bơtàu dà lơgar, geh gơnoar kuơ màng ngan tàm cồng nha do. Ồng Nguyễn Xuân Phúc đơs tòm, lơgar Việt Nam ai lài broă tơnguh bơtàu broă lơh bal pa tơl mờ ală bơta mờ lơgar Nga. 2 gah tơl^k nùs nhơm di pal ngan tềng đăp mờ broă tơnguh bơtàu niam bơne\ bơh broă lơh bal pa tơl ală bơta bơh lơgar Việt Nam mờ lơgar Nga. Broă lơh bal gùng dră bal geh tơguh sùm mờ bơta pin dờn uă. Cri bơyai mpồl kuang bàng dờng màng geh bơyai lơh sùm, ai tơl^k bơta pràn tus mờ broă lơh bal tơl mờ ală bơta tàm ală gah broă lơh. Ồng Nguyễn Xuân Phúc sồr anih lơh broă adăt boh lam bơh 2 lơgar pơn jăt tai tơnguh broă lơh bal tàm dunia, pơgồp bal tàm broă sền gàr cồng nha bơta pràn mờ nùs nhơm broă lơh jăt uă bơh ală kơrnoăt hơ bal dunia mờ 2 gah geh tus bal, tàm hơ\ geh kơrnoăt hơ bal anih duh broă dunia bè adăt dà lềng nam 1982.

         Cau cih mờ yal tơng^t Ndong Brawl