VOV4.K’ho – Ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar geh còp lơgar Nga bơh ngai 16 tus ngai 20/5 tus do tàm dơ\ tus còp lơgar ndai sơn rờp ồng dê. Gah yal jơnau tơngut Sputnik lơgar Nga dê pà git, ồng Dmitry Medvedev kuang gơs gơnap gơnoar atbồ hơđang rlau jơh lơgar Nga mờ ồng Nguyễn Xuân Phúc geh cribơyai tàm Moscow tàm ngai 16/5 bè tơngume tiah kă bro khat gơboh đah EAEC mờ Việt Nam kung bè ală rơndap broă lơh tàm gah đèng hạt nhân, nhơm zờu mờ lơh sa suơn sre. Tàm tơngai do, ồng Nguyễn Xuân Phúc geh tus bal pơrjum dờng màng lơgar Nga mờ Mpồl ASEAN tàm Sochi, lơgar Nga. Jơnau yal bơh gơnoar atbồ lơgar Nga dê pà git, 2 gah geh đơs tus bơta mut lơh ală rơndap broă lơh bal dờng ngan bè năng lượng hạt nhân, nhơm zờu, lơh sa mờ mai\ mok, lơh sa suơn sre, khoa học công nghệ mờ ròt broă lơh ndai. Kung jat jơnau yal do, 1 ròt sră nggal tam klac 2 gah kung geh ki\ tơnơ\ dơ\ cribơyai đah 2 nă kuang.