VOV4.K’ho – Ngai òr 19/4, tàm Hà Nội, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar đơng lam dơ\ pơrjum dơ\ 7 bơh Anih duh broă Dà lơgar bè tam gơl trồ tiah.

            Đơs tàm dơ\ pơrjum, ồng Nguyễn Xuân Phúc đơs loh, tam gơl trồ tiah tus mhar rlau, ro kơnra` prang dờng, gơbam dà lềng tàm uă tiah. Ồng sồr, tam dră wơl mờ bơta tam gơl trồ tiah, gơbam dà lềng, lài ngan pal ai lài priă jền lơh ală bơtơ\t dơng dà ờs ngui tàm broă lơh sa mờ ơm kis ai làng bol in. Sền wơl 5 nam do, tàm bơta geh ngan broă lơh tam dră wơl mờ tam gơl trồ tiah kung gam uă bơta ờ hềt geh lơh. Hơ\ là đơs lài ờ di tu\ mờ bơta geh ngan tam gơl trồ tiah; ală gùng dà broă lơh kơrnoat boh lam bè tam gơl trồ tiah gam ờ hềt di tu\ mờ dùl ròt bal; gi\t wa\ bè tam gơl trồ tiah ờ hềt ndrờm pal mờ bơta gơbàn ngan ngồn; priă ai ngui tàm broă lơh tam dră wơl mờ tam gơl trồ tiah ờ hềt geh uă….Kơnòl broă tàm tơngai mờr tus do, ồng Nguyễn Xuân Phúc sồr, ală kơnă, ală gah mờ làng bol gi\t wa\ loh làng bơta ờ niam ngan bè tam gơl trồ tiah. Kờn pal rơcang lài  tam dră wơl mờ tam gơl trồ tiah, sơlơ atbồ sền gàr phan kuơ geh is chi che brê bơnơm mờ sền gàr tiah ơm kis, pal geh broă lơh dùl ròt bal, tơl làm, tơl gah, tơl broă, ală tiah tàm tam gơl trồ tiah, mu\t lơh dùl ròt bal sùm, jo\ jòng tàm jơh ală gah, ală broă, kờn pal mu\t lơh broă dờng, broă kuơ, geh bơta jak chài, nàng dipal mờ bơta geh is bơh trồ tiah dê.

                                                       Cau cih mờ yal tơngi\t- Lơ Mu K’ Yến