VOV4.K’ho – Drim òr, 16/6, tàm hìu lơh broă gơnoar atbồ lơgar, ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar, ồng Trịnh Đình Dũng kuang jat jơng gơs gơnap gơnoar atbồ hơđang rlau jơh dà lơgar neh đơng lam pơrjum bơh anih duh broă jòi dong kờl rềs àr bè broă lơh đơng lam jòi dong kờl rềs àr bơh nam 2015 tus tu\ do. Tàm dơ\ pơrjum, ồng Nguyễn Xuân Phúc sồr, ờ lời gơlik geh rềs àr lơh aniai tus màng kis mờ phan bơna bơh làng bol dê mờ gơnoar atbồ lơgar mờ anih duh broă dà lơgar jòi dong kờl rềs àr ờ git mờ ờ geh bơta đơng lam. Ồng Nguyễn Xuân Phúc geh 3 jơnau đơs kuơ màng bè broă lơh jòi dong kờl rềs àr: Lài ngan là tơnguh jơnhua nùs nhơm geh kơnòl bơh anih lơh broă geh gơnoar dê tàm broă jòi dong kờl rềs àr. Dơ\ 2 là tơl bơta rềs àr, trồ tiah lơh aniai ndrờm geh đơng lam bơsong di tu\, geh bơta đơng lam bơh kuang gơs gơnap gơnoar atbồ hơđang rlau jơh dà lơgar mờ kuang atbồ anih duh broă dà lơgar jòi dong kờl rềs àr. Dơ\ 3 là ală kơnă, ală gah broă lơh mờ làng bol ba` kơp kơl dìng, pal rơcang lài bơsong jat nùs nhơm 4 tơn tàm 1 anih.

          Nàng di tu\ rơcang sơndră mờ bơta aniai gơlik geh, ồng Nguyễn Xuân Phúc sồr anih duh broă dà lơgar jòi dong kờl rềs àr mờ ală anih lơh broă geh gơnoar tàm [òn lơgar gàr broă sền gròi ngai mang, git bơta gơlik geh bơh trồ tiah lơh aniai, tu\ lơi gơlik geh den yal di tu\ mờ ai mpồl tus bơsong.

                  Cau cih mờ yal tơngit K’ Duẩn.