VOV4.K’ho – Pơn jat tai dơ\ lòt lơh broă tàm Tây Nguyên, drim òr 20/6, tàm [òn dờng Buôn Ma Thuột, càr Daklak, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar đơng lam Pơrjum bơyai bè ală broă lơh tam wơl brê kơ\ kơl jăp tiah Tây Nguyên kờn tam dră wơl mờ bơta tam gơl trồ tiah tơngai bơh nam 2016- 2020. Đơs tàm dơ\ pơrjum, ồng Nguyễn Xuân Phúc đơs tờm kơnòl broă kuơmàng là pal tam wơl mờ bơtàu tơnguh brê Tây Nguyên, kơryan koh kơl aniai brê uă ngan gam gơlik geh. Ồng đơs loh: Mu\t lơh jơnau kờn tam chi che tàm brê Tây Nguyên geh rlau 59% tàm nam 2020. Mơya, khà chi che geh tàm brê tu\ do là dùl e\t ngan, mìng gam hơđơm 45%. Dilah ờ tam wơl, den jơnau gơlời wơl gơ aniai là ờ gơtùi ngan gi\t lài. Ồng Nguyễn Xuân Phúc sồr hòi jà tă pơgồp bal bơta pràn bơh jơh ală anih lơh broă gùng dră bal dê, lơh ngan jơh nùs tam wơl mờ bơtàu tơnguh brê kơ\ kơl jăp, gơ jat bal mờ rài kis làng bol tàm tiah geh brê dê, pơgồp bơnah bơtàu tơnguh lơh sa- mpồl bơtiàn. Ồng Nguyễn Xuân Phúc đơs tờm Gơnoar atbồ lơgar yal bơr kơryan gùng mu\t tàm brê geh is, ờ go\ tam gơl 2 tơlak 500 rbô lồ brê geh is nàng ngui tàm jơnau kờn ndai, geh bal ală rơndăp broă lơh neh geh ki\ mờ ờ hềt mu\t lơh mờ pal lơh glài kràn jơnau koh kơl aniai brê, dong kờl tàm mpồn koh kơl aniai brê.

                                     Cau cih mờ yal tơngi\t- Lơ Mu K’ Yến