VOV4.K’ho – Drim òr 3/10, tàm Hà Nội, ồng Nguyễn Xuân Phúc, Kuang gơs gơnăp gơnoar atbồ hơđang rlau jơh dà lơgar neh đơng lam Pơrjum ờs mờng Gơnoar atbồ lơgar nhai 9. Ồng Nguyễn Xuân Phúc đơs tờm, mờ 22 broă krơi is, do là dơ\ pơrjum kờn lơh gơs jơnau yal sền wơl nam, yal mờ Mpồl duh broă đơng lam Đảng dà lơgar mờ Gơnoar ala mat dà lơgar in tàm pơrjum nhai 10 do. Tơngume bơh dơ\ pơrjum dê là lơh ngan chul chồl gơguh tai, lơh niam wơl gơguh tai mờ bơtàu tơnguh kơ\ kơl jăp, lơh ngan lơh geh jơnau kờn gơguh tai jơnhoa ngan rlau jơh broă rơndăp lơh nam 2016 bơh 6,3 tus 6,5%. Ồng Nguyễn Xuân Phúc sồr ală gah, sơnah lơh broă dà lơgar pal sền wơl ală bơta ờ suk gam gơkòl, ngan là gùng dà broă lơh kuơmàng tàm bơta lơh sa drà kă bro tàm lơgar Việt Nam.

Cau cih mờ yal tơngi\t- Lơ Mu K’ Yến