VOV4.K’ho – Pơrjum tàm internet gùt lơgar bè sơlơ tơnguh rlau tai broă gàr tơl niam ờ do ờ dă phan sa bơh ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar mờ ồng Vũ Đức Đam kuang jat jơng gơs gơnap gơnoar atbồ hơđang rlau jơh dà lơgar đơng lam geh bơyai lơh drim òr, 27/4. Đơs đơng lam pơrjum, ồng Nguyễn Xuân Phúc sồr pal tam gơl broă dờp git tàm broă atbồ ờdo ờdă phan sa, đơs loh ală bơta ờ niam, ai tơlik ală broă lơh ngan ngồn, sac rơwah ală bơta phan sa, mùl màl ngan rlau jơh là phan sa gam ris – là phan sa pah ngai bơh làng bol dê nàng tơ gùm sền gròi… kờ` lơh geh bơta tam gơl loh làng bè atbồ ờdo ờdă phan sa. Ală anih lơh broă geh gơnoar bè kuang bàng, mpồl lùp sền, atbồ drà kă bro pal lùp sền, sền gròi pràn rlau tai bơh broă lơh glài mờ priă tus lơh glài kup màng nàng pơhìn ală cau dùl nă să, mpồl bal lơh tìs bè ờdo ờdă phan sa, sền gàr gơnoar kuơ pràn kơldang să jan bơh làng bol dê. Ồng Nguyễn Xuân Phúc đơs tờm: “ Ba` lời bơta dờng bè hơ\, làng bol gam geh jơnau đơs mờ mìng lơh glài ờ krà`, ờ geh cau lơi kong kơnòl. Pal lơh loh kơnòl bơh cau atbồ bơh tơl tiah dê. Jơh dùl bơta dờng bè hơ\, làng bol gam đơs tus mờ mìng lơh glài bal bal lơm.” Ồng Nguyễn Xuân Phúc sồr ală jơnau đơs cribơyai pal tơrgùm ai tơlik kơrnuat, broă lơh tă bơsong kòl yan kal ke, broă lơh niam ngan rlau jơh, loh làng ngan rlau jơh nàng mut lơh broă gàr niam ờdo ờdă phan sa.

                       Cau cih mờ yal tơngit K’ Duẩn.