VOV4.K’ho - Mho òr (10/6),  tàm Hìu lơh broa\ Gơnoar atbồ lơgar,  ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar neh wa\ Mpồl ala\ cau lơh bao\ tus bal broa\ lơh bal  lòt bal mờ mpồl lơh sa ka\ bro,  cau ka\ bro  dơ\ 2.

            Đơs tàm bùi wa\,  ồng Nguyễn Xuân Phúc neh đơs tờm,  jơnau yal tơnggit bơh  gah bao\ la sap đơs bơh jơnau đơs bal mờ ua\ cau tàm lơgar, pơ gồp bal chul chồl lơh pràn bơta song dơpa\, bơta lơh tờm tàm mpồl bơtìan. Ồng Nguyễn Xuân Phúc đơs, tơngai lài, gah lơh bao\ neh geh jơnau yal tơnggit tơl làm ala\ gah broa\ lơh bơh rài kis mpồl bơtìan mờ ngan ngồn la sra\ bao\ geh bơnga\ kuơ màng ngan tàm ntàu tam lơh sang  ala\ bơta ờ niam,   rcang sơndra\ sa kuề sa kùa,  hoàc hươr, sền gàr ngan ờ do ờ da\ gùng lòt, lơh geh mpồl bơtìan slơ ngai slơ niam bơne\ rlau. Đơs niam broa\ lơh bơh gah lơh bao\ lòt bal mờ mpồl lơh sa ka\ bro,  cau ka\ bro dơ\ 2, ồng Nguyễn Xuân Phúc đơs tờm,  bơta git gơp tam klac bơh cau lơh bao\ mờ mpồl lơh sa ka\ bro geh bơnga\ kuơ màng ngan tàm broa\ lơh lơh sa bơh mpồl lơh sa ka\ bro đơs is pơ gồp bal tàm bơta bơtàu tơngguh lơh sa dà lơgar đơs bal. Ồng Nguyễn Xuân Phúc kơp kờ` gah lơh bao\ mờ mpồl lơh sa ka\ bro pơnjat tai geh lòt bal,  lơh broa\ bal,  dong kờl bal  tài bơta kuơ  bơh mpồl bơtìan  tài bơta bơtàu tơngguh lơh sa-mpồl bơtìan bơh dà lơgar.

                   Cau cih mờ yal tơnggit K’ Brọp