VOV4.K’ho - Drim òr (07/04),  tơnơ\ geh yal cồng nha đùh sra\, mờ ua\ ngan sra\ pồ, Gơnoar ala mat dà lơgar neh ring bal kơrnuat  bè broa\ pồ ồng Nguyễn Xuân Phúc  guh lơh kuang  gơs gơnap gơnoar atbồ hơđang rlau dà lơgar Việt Nam. Tơnơ\ geh gơnoar ala mat dà lơgar pồ, ồng Nguyễn Xuân Phúc neh bơyai lơh guh at gơnoar tềng  Gơnoar ala mat dà lơgar. Gơnoar ala mat dà lơgar neh cih dờp jơnau ho guh  at gơnoar kuang gơs gơnap gơnoar atbồ hơđang rlau jơh dà lơgar bơh ồng Nguyễn Xuân  Phúc. Tơnơ\ tu\ dờp geh cap bơkàu bơh mò Nguyễn Thị Kim Ngân kuang atbồ Gơnoar ala mat dà lơgar, ồng Nguyễn Xuân Phúc  kuang gơs gơnap gơnoar atbồ hơđang rlau jơh dà lơgar neh dùl dơ\ tai ưn ngài Gơnoar ala mat dà lơgar neh pin dờ` pồ ồng lơh kuang gơs gơnap gơnoar atbồ hơđang rlau jơh dà  lơgar tơngai lơh broa\ bơh nam 2016-2021. Đơs tềng đap Gơnoar ala mat dà lơgar, ồng Nguyễn  Xuân Phúc đơs tờm: Do la bơnga\ dờng ngan ngan mờ kung la kơnòl kơnjơ\ kơnjut ngan mờ Đảng, Dà lơgar mờ làng bol jàu. Ồng Nguyễn Xuân Phúc ho geh lơh ngan jơh pràn he dê nàng drơng dà lơgar, drơng làng bol, jơh ala\ tài bơta bơt bơtàu dà lơgar Việt Nam Xã Hội Chủ Nghĩa làng bol pas, dà lơgar pràn,  lơh tờm,  drờm bal, mờ gơguh jak.

          Cau cih mờ yal tơnggit K’ Brọp