VOV4.K’ho - Mho òr (13/7), mo tơn tơnơ\  dơ\ cri bơyai mờ  kuang gơs gơnap gơnoar atbồ hơđang rlau jơh lơgar Mông Cổ, ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar geh cri bơyai  broa\ mờ ồng Tsakhia Elbegdorj kuang atbồ lơgar Mông Cổ.

            Tàm dơ\  cri bơyai broa\, ồng Nguyễn Xuân Phúc geh đơs tờm Việt Nam sền Mông Cổ la cau lơh broa\ kuơ màng tàm ala\ lơgar rềp bal, kơp kờ` bơta git gơp bơhìan bơh Việt Nam-Mông Cổ geh bơtàu tơngguh geh cồng nha tàm tơngai tus, di pal bơta kơp kờ` bơh làng bol 2 lơgar. Bàr kuang đơng lam atbồ geh đơs bơta di nùs bal tềng ala\ bơtàu tơngguh rềp do bơh bơta git gơp  bơhìan bơh Việt Nam-Mông Cổ, đơs tờm sền kuơ màng mờ kơp kờ` bơtàu tơngguh rlau tai tàm bơta git gơp bơh 2 lơgar tàm tơl ala\ broa\. Tàm dơ\ tìp, 2 kuang atbồ kung geh cri bơyai bè bơta tàm kơnhoàl, dunia mờ ala\ bơta mờ 2 gah geh sền gròi bal, tàm hơ\ geh bơta dà lềng mat tơngai lik,  geh ring bal tam klac, kờ` bal tàm ala\ gah broa\ lơh cri bơyai dunia mờ ala\ lơgar rềp bal.

                   Cau  cih mờ yal tơnggit K’ Brọp