VOV4.K’ho - Mho òr (11/5), tàm Hìu lơh broa\ Gơnoar atbồ lơgar, ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar geh wa\ kuang atbồ gah cri bơyai broa\ lơgar mờ lơgar ndai mờ tam klac dunia lơgar Arập Thống nhất, la ồng Sheikh Abdullah Bin Zayed Al Nahyan.

            Tàm bùi wa\,  ồng Nguyễn Xuân Phúc neh gờm chờ wa\ kuang gah do geh còp ngan ngồn lơgar Việt Nam mờ tus bal pơrjum bơh  anih duh broa\ lơh broa\ bal 2 lơgar. Ồng Nguyễn Xuân Phúc chờ hờp go\ bơta git gơp 2 lơgar tơngai  lài geh ala\ bơtàu tơngguh niam. 2 lơgar neh lơh broa\ bal nền nòn, kờ` bal tàm ala\ dơ\ cri bơyai dunia. Ồng Nguyễn Xuân Phúc đơs tờm, Việt Nam sùm sền kuơ git gơp lơh broa\ bal mờ lơgar Arập thống nhất. Bơta lơh broa\ bal bơh 2 lơgar gam geh ua\ ngan bơta pràn dờng, ngan la bơtàu tơngguh phan bơna… Ồng Nguyễn Xuân Phúc đơs,  broa\ lơgar Arập thống nhất pờ ơnàng git gơp lơh broa\ bal mờ lơgar Việt Nam geh dong lơgar do pờ nàng git gơp lơh broa\ bal mờ ala\ lơgar ASEAN. Ồng Nguyễn Xuân Phúc geh đơs bơta pin dờ`  bơh  kuang atbồ mờ làng bol  2 lơgar, git gơp lơh broa\ bal ua\ gah bơh Việt Nam mờ Arập Thống nhất sùm bơtàu tơngguh.

                   Cau cih mờ yal tơnggit K’ Brọp