VOV4.K’ho – Drim òr, 21/6, pơnjat tai dơ\ lơh broă tàm Tây Nguyên, ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar bal mờ mpồl lơh broă bơh gơnoar atbồ lơgar dê lơh broă mờ kuang đơng lam bồ càr Daklak bè bơta mut lơh kơnòl lơh sa mpồl bơtiàn. Tàm dơ\ lơh broă, ồng Nguyễn Xuân Phúc jờng rơ, đơs niam càr Daklak neh bơsong kal ke, lơh ngan mut lơh ală kơnòl bơtàu tơnguh lơh sa, mpồl bơtiàn, gàr tơl niam rài kis mpồl bơtiàn, di tu\ sền gròi rài kis làng bol gơtìp trồ tiah lơh aniai, gàr kơ\ ngap lơngai gùng dră bal, ờ do ờ dă mpồl bơtiàn. Bè ală kơnòl tàm tơngai tus,  ồng Nguyễn Xuân Phúc sồr mpồl đơng lam Đảng, mpồl duh broă ala mat làng bol, anih duh broă làng bol càr Daklak mut lơh niam ală jơnau đơs pơn dut bơh kuang gơs gơnap gơnoar atbồ hơđang rlau jơh dà lơgar dê tàm pơrjum bè sền gàr mờ bơtàu tơnguh brê tàm Tây Nguyên mờ pơrjum tàm jàu broă lơh mờ 5 càr Tây Nguyên. Tàm hơ\, krà` cê til mpồng brê geh is; ờ tam gơl brê klàr nàng tam chi tam jo\ ngai, sền broă tam wơl brê tàm Tây Nguyên đơs bal, Daklak đơs is là kơnòl kuơ màng. Ồng Nguyễn Xuân Phúc đơs tờm, Daklak pal sền gròi tus rài kis bơh làng bol ơm kis bơh jo\ tàm [òn lơgar, ngan là ù lơh sa làng bol in, pleh gơlik geh bơta koh kơl aniai brê. Ồng Nguyễn Xuân Phúc tơngkah càr Daklak bơdìh mờ broă gàr niam ngap lơngai gùng dră bal pal lơh niam rlau tai broă tam gơl sră nggal lơh broă, tam gơl anih bơcri priă, tam gơl pràn rơndap tap sèng broă lơh sa, ngan là bơtàu tơnguh lơh sa mờ mai\ mok, kă bro, broă drơng ala, lơh sa suơn sre mờ công nghệ pa.