VOV4.K’ho- Drim òr 3/7, tàm hìu duh broă Gơnoar atbồ lơgar dê, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar neh geh dơ\ lơh broă mờ kuang bàng đơng lam bồ càr Kontum bè broă lơh sa- mpồl bơtiàn 6 nhai bồ nam 2016 mờ bal mờ ală gah sơnah lơh broă dà lơgar iat kơno, pơgồp bal, tă bơsong kal ke nàng dong càr Kontum lơh jơh jơnhoa ngan rlau jơh broă rơndăp lơh kơnòl broă nam 2016.

Đơs tàm dơ\ lơh broă, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar đơs tờm tus bơhiàn khin cha jak chài, nùs nhơm kơ\ dơn bơh ling klàng mờ làng bol càr Kontum dê tàm rài tam lơh ai geh bơta lơngăp lơngai is jơi bơtiàn, tơngklàs dà lơgar. Jờng rơ cồng nha bơtàu tơnguh lơh sa- mpồl bơtiàn bơh Mpồl Đảng, Gơnoar atbồ mờ làng bol càr Kontum dê tàm tu\ tơngai kal ke bal bơh dà lơgar dê, ồng Nguyễn Xuân Phúc kung đơs niam ngan cồng nha tàm broă lơh atbồ, sền gàr brê bơh càr Kontum dê mờ cồng nha lơh geh tàm broă ròng tam bàr pe bơta chi lơh sơnơm kuơ, chi jo\ nam geh cồng nha lơh sa uă bè kơnuh sơnơm Ngọc Linh, kơphê. Ồng Nguyễn Xuân Phúc sồr càr Kontum mu\t lơh ală broă lơh tam gơl pa tă dia dà lơgar, tơnguh jơnhoa cồng nha broă lơh tơn jơh jơgloh tơrmù r[ah; rơcang lài ală bơnah priă bơtàu tơnguh ală phan bơna [òn lơgar, ngan là gùng lòt, tu\ do gam ờ hềt tơl, ờ hềt lơh geh jơnau kờn bơtàu tơnguh lơh sa- mpồl bơtiàn bơh càr dê tàm tu\ tơngai pa.

                                                                               Cau cih mờ yal tơngi\t- Lơ Mu K’ Yến