VOV4.K’ho – Drim òr, 08/6, ồng Nguyễn Xuân Phúc kuang gơs gơnap gơ noar atbồ hơđang rlau jơh dà lơgar geh dơ\ lơh broă mờ càr Nam Định, jòi broă lơh chul chồl lơh sa mpồl bơtìan bơh càr dê bơtàu tơnguh pràn rlau tàm tơngai tus.

Tàm dơ\ lơh broă, ồng Nguyễn Xuân Phúc đơs niam càr Nam Định neh lơh ngan tàm broă bơt bơtàu [òn lơgar pa, tac phan hờ lơgar cau geh 1 tơmàn đôlar Mỹ. Bulah bè hơ\, Nam Định kung gam là càr r[ah, broă lơh sa suơn sre là tờm, mìng gơtùi kơlôi rơcang is 32% khà tă ngui dơ\, gam wơl là dong kờl bơh dà lơgar. Ngap lơngai gùng dră bal niam, mơya gàr niam ờ do ờ dă gùng lòt gam ờ hềt pràn. Bơh bơta geh ngan do, ồng Nguyễn Xuân Phúc tơngkah càr Nam Định pal sền gròi 3 tơngume bơtàu tơnguh là lơh sa, mpồl bơtiàn, tiah kis là kuơ màng ngan. Càr pal kơlôi sơnơng ringbal mờ mut lơh jat kơrnuat pơrjum Đảng dơ\ 12, tơrgùm mut lơh jat kơrnuat sồ 1 bơh gơnoar atbồ lơgar dê kờ` mut lơh sơrlèt rlau khà rơndap broă lơh bè lơh sa mpồl bơtiàn nam 2016. Tàm hơ\, pal chul chồl tă priă bơcri, tài tu\ do Nam Định geh khà tă priă bơcri lơyah, mìng geh 19%. Ồng Nguyễn Xuân Phúc kung sồr càr Nam Định pal geh broă mut lơh ngan ngồn nàng gơs là càr [òn lơgar pa.

                       Cau cih mờ yal tơngit K’ Duẩn.