VOV4.K’ho – Drim òr 21/4, tàm Hà Nội, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar neh đơng lam dơ\ lơh broă mờ Gah Rơndăp broă mờ bơcri priă dà lơgar nàng ring bal ală gùng dà broă lơh loh làng kờn pơn jat tai mu\t lơh jơnau kờn kơ\ kơl jăp lơh sa dờng, gàr gơguh tai lơh sa mờ sền gròi niam gơmù khà priă; mu\t lơh kơnòl broă lơh sa- mpồl bơtiàn nam 2016.

Ồng Nguyễn Xuân Phúc sồr Gah Rơndăp broă mờ bơcri priă dà lơgar lơh jat niam bơta pal jat bơh lơh sa drà kă bro dê nàng dan mờ dong kờl Gơnoar atbồ lơgar geh ală gùng dà broă lơh mờ kơrnoat boh lam bơtàu tơnguh lơh sa mpồl bơtiàn; sền dờng màng uă rlau tai broă lơh niam wơl tiah lơh sa kă bro, jơh nùs lơh niam gơs gùng dà broă lơh kơrnoat boh lam, tă bơsong tơn ală bơta kơryan ờ dipal. Ồng Nguyễn Xuân Phúc sồr Gah Rơndăp broă mờ bơcri priă dà lơgar geh gùng che điện thoại is bè lơh sa; Gah Rơndăp broă mờ bơcri priă dà lơgar pal là gah lơh broă sàng goh, lam lài tàm broă lơh tam dră sa kuề sa kùa; pơgồp bal niam mờ ală gah, sơnah lơh broă dà lơgar geh gơrềng, ngan là Gah Priă jền dà lơgar nàng dan geh ală broă lơh gơguh tai lơh sa, lơh gơs niam ală broă lơh tiah lơh sa dờng màng, tiah tàm ntrờn phan bơna.

Cau cih mờ yal tơngi\t- Lơ Mu K’ Yến