VOV4.K’ho – Tàm dơ\ lòt còp mờ lơh broă tàm Tây Nguyên, drim òr 19/6, tàm [òn dờng Buôn Ma Thuột, càr Daklak, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar mờ kuang bàng đơng lam bồ bàr pe Gah sơnah lơh broă Dà lơgar neh lòt còp mờ lơh broă mờ Mpồl đơng lam Tây Nguyên.

Tàm dơ\ loh broă, ồng Nguyễn Xuân Phúc sồr Mpồl đơng lam Tây Nguyên bal mờ kuang bàng đơng lam ală càr tàm tiah do pơgồp bal niam tàm broă mu\t lơh kơnòl broă bơtàu tơnguh lơh sa- mpồl bơtiàn, tàm hơ\ sền dờng màng lơh geh tơl ală bơta niam dong kờl nàng bơtàu tơnguh mpồl lơh sa kă bro, lơh pas bơh ală bơta pràn bơh tiah do dê, rề ơnàng ală broă lơh sa geh cồng nha lơh sa uă, tơrmù mhar khà hìu bơnhă r[ah; bơ\t bơtàu ală anih lơh broă gùng dră bal tàm kơnă hơđơm pràn kơldang,…Mpồl đơng lam Tây Nguyên mờ ală càr pal sền dờng màng broă bơto bơtê, rơndăp kuang bàng jak ai tiah do in, sền hơ\ là bơnàng jak kuơmàng nàng bơtàu tơnguh Tây Nguyên. Ồng Nguyễn Xuân Phúc sồr Mpồl đơng lam Tây Nguyên mờ ală càr Tây Nguyên pal mu\t lơh niam broă lơh atbồ ù tiah drơng tàm broă lơh sa; atbồ sền gàr bồ tô dà; sền gàr mờ bơtàu tơnguh brê, kờn sền gàr niam bơta pal geh tàm rài kis, ơm kis mờ lơh broă bơh làng bol tàm ù tiah Tây Nguyên dê.

Ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar cùp rùp mờ kuang bàng, cau lơh broă tàm Mpồl đơng lam Tây Nguyên

Pơn jat tai dơ\ lòt lơh broă tàm càr Daklak, mho òr 19/6, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar mờ kuang bàng đơng lam bàr pe Gah sơnah lơh broă Dà lơgar neh lòt còp, pơn jờng làng bol [òn H’Đơk, ntum Ea Kao, [òn dờng Buôn Ma Thuột. Do là dùl tàm ală ntum lam lài bơh càr Daklak dê tàm broă mu\t lơh broă lơh [òn lơgar pa. Mờ bơta dong kờl bơh càr dê, gơnoar atbồ mờ làng bol ntum Ea Kao neh dùl nùs bal, jơh nùs tơrgùm bal pràn sơr lèt gan kal ke bơ\t bơtàu, mờ lơh jơh 19 broă lơh [òn lơgar pa tàm nam 2015.

Chờ hờp tềng đăp mờ ală tam gơl niam bè lơh sa, rài kis làng bol tàm [òn H’Đơk mờ ntum Ea Kao dê, ồng Nguyễn Xuân Phúc neh pơn jờng ală broă lơh ngan bơh mpồl duh broă Đảng, gơnoar atbồ mờ kuơ màng ngan là làng bol ală kòn cau kis tàm [òn H’Đơk bal mờ ntum Ea Kao dê. Tu\ do, rài kis tơl nă cau tàm ntum neh tơnguh, mơya ồng Nguyễn Xuân Phúc đơs là, khà hìu rơ[ah jăt khà pa tàm ntum Ea Kao gam uă. Ồng lam sồr kuang bàng đơng lam bal mờ làng bol tàm ntum pal kơlôi sơnơng tus mờ broă tam gơl phan tam, phan ròng. Còp să, iăt jơnau yal, jơnau kơ\p kờ` bal mờ ală jơnau pơgồp bal bơh làng bol tàm [òn, tàm ntum dê, ồng Nguyễn Xuân Phúc kung neh sồr gơnoar atbồ càr Dak Lak ai lài sền, iăt, bơsong ală jơnau dan, jơnau sồr bơh làng bol dê; lơh jăt geh cồng nha ală gùng dà, broă lơh bơh Đảng, Dà lơgar dê tus mờ làng bol kòn cau…

Ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar còp să làng bol kòn cau tàm ntum Ea Kao

Mho òr (19/6), ồng Nguyễn Xuân Phúc neh còp mờ pà phan cau mè Việt Nam khin cha jăk chài Lê Thị Bé; mè Lâm Thị Xin, 91 sơnam kis tàm ntum Hoà Thuận, [òn dờng Buôn Ma Thuột. Ồng Nguyễn Xuân Phúc kung tus sền broă tam sầu riêng bơrlu\ bal mờ ờ uă tòm chi sa plai geh cồng nha ngan bơh ồng Võ Tiến Dũng, kis tàm ntum Ea Tu, [òn dờng Buôn Ma Thuột dêgeh 1 tơmàn priă tàm 1 lồ 1 nam.

Drim do (20/6), tàm [òn dờng Buôn Ma Thuột, ồng Nguyễn Xuân Phúc neh đơng lam pơrjum cri bơyai bè broă lơh kờ` tơnguh wơl brê kơl jăp tàm Tây Nguyên kờ` sơndră mờ tam gơl trồ tiah tơngai bơh nam 2016 tus 2020. Bol a` geh pơn jăt tai yal kờ` làng bol mờ ală gơ\p bơyô in g^t tàm ală jơnau tơng^t tơnơ\.

                                                                Cau cih mờ yal tơngi\t- Lơ Mu K’ Yến mờ Ndong Brawl