VOV4.K’ho – Drim òr, 22/4, tàm Hà Nội, ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar neh đơng lam dơ\ lơh broă mờ mpồl kuang đơng lam bồ dờng màng bơh mpồl lơh sa dờng nhơm zờu dà lơgar Việt Nam.

Ồng Nguyễn Xuân Phúc sồr mpồl lơh sa dờng nhơm zờu dà lơgar Việt Nam kơlôi sơnơng uă, mut lơh geh cồng nha kơnruat sồ 41 bơh gah gùng dră bal dà lơgar dê bè rơndap broă kuơ màng bơtàu tơnguh gah nhơm zờu Việt Nam tus nam 2025 mờ wèt tus nam 2035 mờ tơngume tờm là jòi git, sền gròi mờ tơnhàu nhơm zờu; lơh sa mờ mai\ mok nhơm zờu, lơh gơlik nhơm zờu, prap ơn mờ tac ală phan lơh gơs bơh nhơm zờu; broă drơng ala nhơm zờu, kuơ màng là broă drơng ala kỹ thuật nhơm zờu geh bơta niam uă. Ồng Nguyễn Xuân Phúc kung sồr ală gah, sơnah lơh broă dà lơgar bal mờ mpồl lơh sa dờng nhơm zờu dà lơgar Việt Nam kờp sền wơl ală kơrnuat, jơnau cih nàng tơnguh jơnhua cồng nha atbồ dà lơgar, đơng lam mpồl lơh sa kă bro, sơ lơ mut ngui khoa học công nghệ, mơkung ai tơlik ală broă lơh ringbal kờ` mut lơh niam ngan rlau jơh ală kơnòl geh Đảng, dà lơgar mờ làng bol jàu.

                                           Cau cih mờ yal tơngit K’ Duẩn.