VOV4.K’ho – Mho òr 19/5, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar mờ Mpồl kuang bàng dờng màng Gơnoar atbồ lơgar Việt Nam dê neh lik lòt bơh càr lơgar Moscow, tơn jơh niam bơne\ dơ\ lòt còp ngan ngồn lơgar Nga, nàng lòt gùng tus Sochi, lơgar Nga, sơnđờm tus bal Pơrjum kuang bàng dờng màng tơngkah 20 nam Ngai gi\t gơ\p cribơyai broă bal ASEAN mờ Nga jat jơnau jà bơh ồng Vladimir Putin kuang atbồ lơgar Nga dê. Jat broă rơndăp lơh, mho mang òr 19/5, ồng Nguyễn Xuân Phúc geh dơ\ tìp mat mờ ồng Vladimir Putin kuang atbồ lơgar Nga. Pơrjum kuang bàng dờng màng tơngkah 20 nam gi\t gơ\p cribơyai broă bal đah ASEAN mờ Nga geh lơh tàm tu\ tơngai đah 2 gah geh ală bơta bơtàu tơnguh niam ngan, pơgồp bơnah kuơmàng đơs tờm gơnoar broă mờ bơngă ngai sơlơ dờng bơh mpồl ASEAN dê, tàm hơ\ geh bơta tă pơgồp uă ngan bơh lơgar Việt Nam dê. Pơrjum geh lơh tàm 2 ngai, 19 mờ 20/5. Do là jơnau kuơmàng, chul chồl bơta gi\t gơ\p đah 2 gah kung bè bơngă dờng màng ngan bơh ASEAN dê tàm gùng dà broă lơh bơh lơgar Nga dê gơ wèt tus mờ kơnhoàl ù tiah Đah jum mat tơngai lik châu Á.

Cau cih mờ yal tơngi\t- Lơ Mu K’ Yến