VOV4.K’ho - Pơnjat tai dơ\ pơrjum Gơnoar atbồ lơgar  bè ờs nhai 5, drim òr (02/06),  ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar neh đơng lam dơ\ pơrjum cri bơyai bè bơta lơh sa mpồl bơtìan nhai 5 mờ 5 nhai do. Jat jơnau yal tơnggit bơh Gah rơndap broa\ mờ bơcri pria\ dà lơgar, den bơta lơh sa mpồl bơtìan bulah neh geh ua\ ngan bơta  àng, mơya gam geh ua\ ngan bơta lòng tus mờ broa\ mut lơh ala\ broa\ lơh bơh nam do. Tàm dơ\ pơrjum,  ồng Nguyễn Xuân Phúc geh đơs loh, ala\ broa\ lơh dờng tàm nam 2016 la tơngguh lơh sa 6,7%, tơlik tac phan mờ lơgar cau gơguh rlau 10%, roh khà pria\ ờ rlau ir 5%. Gơnoar atbồ lơgar neh cri bơyai ala\ bơta nàng  sền gròi gơmù khà pria\ mờ gơtùi geh iang nùs rlau. Bulah bè hơ\, tơlik tac phan mờ lơgar cau mờ gơguh lơh sa gam ua\ bơta bơklơn. Geh  ua\ jơnau geh đơs la mìng kờ` geh lơh ngan gàr niam lơh sa dờng, mơya ồng Nguyễn Xuân Phúc geh  đơs tờm la, kờ` mut lơh bal 2 broa\ lơh la tơngguh lơh sa mờ gàr niam  broa\ lơh sa dờng. geh khà  pa niam mờ tơngguh pa  hơ\ sồng  bơsong geh ala\ bơta tam pơnring dờng tus rài lơh sa, ngan la  ai geh broa\ lơh,  ta\ dia dà lơgar, geh bơta kuơ mpồl bơtìan, gàr niam ngap lơngai dà lơgar. Tềng đap bơta do,  ồng Nguyễn Xuân Phúc neh lam sồr ala\ gah, sơnah lơh broa\ geh lơh ngan cri bơyai ala\ broa\ lơh nàng geh bơsong kal ke, chul chồl gơguh lơh sa, gàr niam lơh sa dờng,  gàr niam  bơta kuơ mpồl bơtìan.

          Cau cih mờ yal tơnggit K’ Brọp