VOV4.K’ho - Tàm dơ\ tus còp ngan ngồn lơgar Nga,  ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar neh geh dơ\ tìp ngan ngồn mpồl git gơp lơgar Nga-Việt Nam mờ mpồl cau jak chài ling klàng lài do lơgar Nga neh geh tu\ tus bal dong Việt Nam tàm rài tam lơh tơng klàs jơi bơtìan. Tàm dơ\ tìp,  ồng Nguyễn Xuân Phúc geh đơs bơta chờ hờp tềng ala\ bơtàu tơngguh niam bơh git gơp lơh broa\ bal  2 lơgar Việt Nam-Nga tàm tơngai lài, ngan la gah lơh sa-ka\ bro, sền gàr ngap lơngai dà lơgar, bơto bơtê mờ bơsram, chài rgơi, nhgơl chờ slơ ngai slơ gơmut tàm bơta mùl màl mờ geh cồng nha. Ồng Nguyễn Xuân Phúc đơs tờm: Việt Nam sùm cih kah bơta kờ` dờng màng ngan, bơta dong kờl jơh nùs, mờ geh cồng nha mờ làng bol Liên Xô mờ  làng bol Nga neh lời Việt Nam in tàm rài tam lơh ai geh ngap lơngai jơi bơtìan mờ bơt bơtàu dà lơgar, ua\  cau Nga neh chơt phi sa\ tài rài geh ngap lơngai bơh Việt Nam, ua\ cau jak,  cau khoa học, ua\  rnàng làng bol lơgar Nga neh  hiu\ sa\ dong kờl Việt Nam.

          Cau  cih mờ yal tơnggit K’ Brọp