VOV4.K’ho – Mho òr, 03/10, tàm Hà Nội, ồng Nguyễn Xuân Phúc, Kuang gơs gơnap gơnoar atbồ hơđang rlau jơh dà lơgar mờ ồng Trịnh Đình Dũng, Kuang jat jơng gơs gơnap gơnoar atbồ hơđang rlau jơh dà lơgar lơh broă mờ kuang đơng lam bồ Gah kă bro mờ lơh sa mờ mai\ mok dà lơgar, kuang đơng lam bồ ờ uă Gah mờ kuang đơng lam bồ ală mpồl lơh sa dờng ồs đèng Việt Nam, nhơm zờu dà lơgar Việt Nam bè broă lơh tam pà ring khà đèng, gàr tơl đèng drơng jơnau kờ` bơtàu tơnguh dà lơgar tềng đap mat mờ jo\ jòng. Ồng Nguyễn Xuân Phúc đơs là, ală nam pa do, tam pà đèng pơnjat tai là dùl bơta sền sơ wì kuơ màng ngan bơh rài lơh sa dê mờ neh geh gàr niam, drơng broă lơh sa, rài kis làng bol dê. Ồng Nguyễn Xuân Phúc đơs loh, jơnau kờ` ngui đèng tàm tơngai tus là dờng ngan, dilah ờ rơcang lài den digơlan gơbàn ờ tơl đèng. Ồng Nguyễn Xuân Phúc sồr kuang đơng lam bồ Gah kă bro mờ lơh sa mờ mai\ mok dà lơgar mờ ală gah, kuang đơng lam bồ ală mpồl lơh sa dờng ồs đèng Việt Nam EVN mờ nhơm zờu dà lơgar Việt Nam PVN, yal bè bơta geh ngan khà đèng mờ gùng che đèng, kờp du\ lài jơnau kờ`, bơh hơ\ ai tơlik broă lơh, kơrnuat bơsong. Ồng Nguyễn Xuân Phúc đơs tờm, ờ lời gơlik geh bơta ờ tơl đèng, lơh aniai tus bơta bơtàu tơnguh dà lơgar dê.

                  Cau cih mờ yal tơnggit K’ Duẩn.