VOV4.K’ho – Di dơ\ Pơrjum kuang bàng dờng màng ASEAN mờ Nga tàm Sochi, lơgar Nga, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar Việt Nam neh geh ală dơ\ tìp mat 2 gah mờ ồng Samdech Hun Sen kuang gơs gơnăp gơnoar atbồ hơđang rlau jơh lơgar Campuchia, ồng Joko Widodo kuang atbồ lơgar Indonesia, mờ ồng Htin Kyaw kuang atbồ lơgar Myanmar.

Tàm dơ\ tìp mat mờ ồng Samdech Hun Sen kuang gơs gơnăp gơnoar atbồ hơđang rlau jơh lơgar Campuchia, bàr nă kuang bàng do đơs tờm Gơnoar atbồ lơgar Việt Nam mờ Campuchia pơn jat tai lời ai lài uă ngan ai broă lơh kơ\ kơl jăp wơl mờ sơlơ tơnguh tai bơta gi\t gơ\p lơgar rềp bal niam bơne\, gi\t gơ\p lơh bơyô bal ờs mờng bơh yau, tam klac lơh broă bal tơl làm, kơ\ kơl jăp jo\ jòng đah bàr lơgar.

Tàm dơ\ tìp mờ kuang atbồ lơgar Indonesia, 2 gah neh đơs tòm tàm tơngai tus, 2 gah pal pơn jăt tai chồl pràn tam gơl mpồl kuang bàng ală kơnă, tơnguh broă sền gàr bơta lơngăp lơngai dà lơgar bal; jòi broă bơsong kal ke kờ` tơnguh khà kă bro bơh 2 lơgar, lơh ngan geh 18 tơmàn đôlar Mỹ tàm nam 2018; chồl pràn cri bơyai bè broă wah nhàr tiah lơh sa.

Ai tàm dơ\ tìp mat mờ ồng Htin Kyaw kuang atbồ lơgar Myanmar, bàr gah đơs tờm kơ\p kờn pơn jat tai lơh ngan jơh ală broă nàng ai bơta gi\t gơ\p mờ bơta tam klac lơh broă bal hơ\ ngai sơlơ geh kuơ ngan ngồn mờ geh cồng nha, ngan là tàm ală broă lơh bơcri priă, kă bro. Myanmar đơs niam ngan ală cau bơcri priă lơgar Việt Nam dê gam lơh sa tàm lơgar Myanmar; Gơnoar atbồ pa bơh lơgar Myanmar dê geh gờn sền sơ wì ală bơta mờ ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar Việt Nam neh đơs geh gơrềng tus broă lơh geh tơl ală bơta ai ală mpồl lơh sa kă bro lơgar Việt Nam in bơcri priă tàm lơgar Myanmar tàm ală broă bè: nhơm zờu, ù tiah hìu đam, viễn thông…

Cau cih mờ yal tơngi\t- Lơ Mu K’ Yến