VOV4.K’ho – Kung tàm mho òr, 23/5, tàm hìu lơh broă cơldu\ lơh broă gơnoar atbồ lơgar, ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar neh wă ồng Barack Obama kuang atbồ lơgar Mỹ.

Tàm dơ\ wă, ồng Nguyễn Xuân Phúc mờ ồng Obama neh yal wơl mờ ràng tơlik bơta niam nùs bè ală bơtàu tơnguh ngan ngồn tàm git gơp 2 lơgar kờp bơh tu\ crơnggơs git gơp lơh broă bal tơl làm, nhai 7 nam 2013, kuơ màng tàm gah lơh sa – kă bro – bơcri priă, bơto bơsram, lơh sơnơm, bơsong jơnau gơlời wơl bơh rài tam lơh mờ tìp mat cribơyai làng bol. Ồng Nguyễn Xuân Phúc mờ ồng Obama kung cribơyai bè ală broă lơh sơlơ tơnguh git gơp tam klac bal tơl làm Việt Nam mờ Mỹ, tàm hơ\ lài ngan ai chul chồl bơtàu tơnguh lơh tờm mờ bơta pràn bơh git gơp 2 lơgar dê tàm tơngai tus. Ồng Nguyễn Xuân Phúc đơs tờm wơl, Việt Nam geh mhar tong gơnoar ala mat dà lơgar in sền sơwì ki\ jơnau pơrgon tam klac gùt Thái Bình Dương ( TPP), sồr ồng Obama pơnjat tai chul chồl broă gơnoar ala mat dà lơgar Mỹ mhar ringbal kơrnuat nàng gờ` mut ngui jơnau pơrgon TPP. Ồng Obama đơs tờm, TPP là dùl jơnau pơrgon kă bro niam ngan bơh rài 21 dê, đơs tờm nùs nhơm lơh ngan chul chồl ringbal jơnau pơrgon do tàm nam 2016.

                     Cau cih mờ yal tơngit K’ Duẩn.