VOV4.K’ho – Drim òr 27/6, tàm [òn dờng Hồ Chí Minh, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar tus bal Cribơyai Tiah ring dà dờng Cửu Long nam 2016, mờ tơngume geh cribơyai uă bè ală bơta lòng mờ tu\ tơngai niam gơ wèt tus mờ Tiah ring dà dờng Cửu Long tềng đap bơta tam gơl trồ tiah, jòi broă lơh dong Tiah ring dà dờng Cửu Long bơtàu tơnguh. Đơs tàm dơ\ cribơyai, ồng Nguyễn Xuân Phúc đơs tờm, kờn pal gi\t tàm rài tơnơ\ do, Tiah ring dà dờng Cửu Long ờ mìng là tiah lơh kòi dờng ngan rlau jơh bơh lơgar Việt Nam dê mờ gam là rài lơh broă sa sươn sre ngac ngar, kơ\ kơl jăp jo\ jòng, geh khà priă gơguh tai jơnhoa bơh tiah Đah jum mat tơngai lik châu Á dê mờ dờng rlau là Châu Á dê tàm rài tơnơ\ do. Ồng Nguyễn Xuân Phúc sồr ală cau lơh broă bal priă jền geh kơnòl, bè Anih priă jền dunia, ală cau lơh broă bal bơtàu tơnguh tam pà bal, lơh bal mờ Gơnoar atbồ lơgar Việt Nam mờ làng bol Tiah ring dà dờng Cửu Long, lơh ngan kơryan, gròi sền, sơr lèt gan bơta lòng bơh trồ prang, trồ tiah, tam gơl trồ tiah gơlik geh tàm tiah do. Nàng tam dră wơl mờ tam gơl trồ tiah, ồng kung sồr ală càr tàm tiah do lơh pràn tam mờ bơtàu tơnguh wơl brê ngơr bam dà lềng; ngui măy mok tuh dà tềm pềr; sền dờng màng rơndăp ù tiah lơh bơtơ\t kơryan dà, lơh tơnau dơng dà...

                                                        Cau cih mờ yal tơngi\t- Lơ Mu K’ Yến