VOV4.K’ho – Ngai òr 05/8, tàm Hà Nội, ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar tus bal pơrjum tơn jơh nam bơsram 2015 – 2016 mờ mut lơh kơnòl broă nam bơsram 2016 – 2017. Đơng tam tàm dơ\ tơn jơh, ồng Nguyễn Xuân Phúc đơs niam ală cồng nha bơh Gah bơto bơtê mờ bơsram dê tàm nam pa do. Ồng Nguyễn Xuân Phúc kung đơs là, phan bơna bơh uă hìu bơsram, ngan là tàm tiah sar lơgar ngài gam kal ke, kung gam ală hìu bơsram ing, ờ geh hìu jă brê tơl niam. Phan bơna bơto bơsram tàm tiah sar lơgar ngài, tàm ală tiah lơh sa mờ mai\ mok dờng gam ờ tơl. Ờ uă kơnòm dềt Việt Nam rê wơl hờ lơgar he ờ hềt geh tus hìu bơsram. Ồng Nguyễn Xuân Phúc sồr Gah bơto bơtê mờ bơsram dà lơgar pal gơjat bal bơto bơtê mờ ngan ngồn, mờ jơnau kờ` mpồl bơtiàn dê nàng cau bơsram dờng tu\ jơh bơsram geh broă lơh. Broă bơto bơsram ờ mìng dong bơt bơtàu nùs nhơm, chài rơgơi bơh dùl nă cau kơnòm să dê, mờ gam gàr niam bơta tam gơl pa, mut gơ rờm bal.

                 Cau cih mờ yal tơnggit K’ Duẩn.