VOV4.K’ho – Di dơ\ lòt còp lơgar Nhờk mờ lòt Pơrjum Kuang bàng dờng màng ală lơgar geh rài lơh sa mờ măy mok bơtàu tơnguh (G7) rề ơnàng, ngai 28/5, tàm càr lơgar Tokyo, lơgar Nhờk dê, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar Việt Nam neh cribơyai broă mờ ồng Shinzo Abe kuang gơs gơnăp gơnoar atbồ hơđang rlau jơh dà lơgar Nhờk.

Đơs tàm dơ\ pơrjum [ău, ồng Nguyễn Xuân Phúc jơh nùs ưn ngài bơta wa\ rò bơh ồng Shinzo Abe dê lời ai Mpồl kuang bàng ala mat Gơnoar atbồ lơgar Việt Nam in. Cribơyai tàm dơ\ pơrjum [ău, ồng Nguyễn Xuân Phúc pà gi\t, tàm dơ\ cribơyai, bàr gah dùl nùs ring bal sơlơ tam klac bal tàm ală dơ\ cribơyai uă lơgar tàm tiah do mờ tàm dunia. Bàr gah tam pà bal jơnau đơs kơlôi rơcang bơh ASEAN mờ mpồl bơtiàn dunia dê bè bơta Dà lềng đah mat tơngai lik tàm tơngai rềp ndo, kuơmàng là ală broă lơh bơ\t bơtàu bồt geh lơh dờng, dùl nùs ring bal bè bơta kuơmàng bơh bơta sền gàr ring lơngai, lơngăp lơngai, ờdo ờdă mờ khat gơboh gùng dà lềng mờ gùng rơndeh par tàm Dà lềng đah mat tơngai lik; ală gah geh gơrềng ờ go\ di geh ală broă lơh is lơh tam gơl bơta geh bơh sơn rờp, lơh gơlik bơta kal ke, rề ơnàng tam pìt tam phà mờ ai ling klàng lơh broă tàm Dà lềng đah mat tơngai lik; chul chồl broă bơsong ală tam pìt tam phà bơh ală broă lơh ring lơngai, sền dờng màng broă lơh lơh broă mờ lơgar ndai mờ adat boh lam, lơh jat niam adat boh lam dunia, tàm hơ\ geh Jơnau Pơrgon Anih duh broă dunia bè Adat dà lềng nam 1982, Jơnau yal bơr bè broă lơh bơh ală gah dê tàm dà lềng đah mat tơngai lik (DOC), gờn lơh Ală bơta pal jat broă lơh tàm Dà lềng đah mat tơngai lik (COC).  

Cau cih mờ yal tơngi\t- Lơ Mu K’ Yến