VOV4.K’ho – Mho òr 16/8, ồng Nguyễn Xuân Phúc, Kuang gơs gơnăp gơnoar atbồ hơđang rlau jơh dà lơgar wa\ rò ồng I-un Da He, lài do là Kuang atbồ đơng pơlam gùng dà broă lơh Cơldu\ lơh broă Kuang gơs gơnăp gơnoar atbồ hơđang rlau jơh dà lơgar Hàn Quốc dê lòt còp lơgar Việt Nam. Ồng Nguyễn Xuân Phúc, đơs tờm: Việt Nam sền dờng màng ngan broă lùp bơsram đòm jat bơta mờng chài mờ sơlơ tam klac lơh broă bal ngan ngồn mờ lơgar Hàn Quốc mờ đơs niam ngan Broă lơh tam pà bal jơnau gi\t wa\ bơh lơgar Hàn Quốc dong kờl bal mờ ală tơgume li la ngan, geh kuơ ngan ngồn mờ jal mhar ngan gơ wèt tus mờ lơgar Việt Nam. Ồng Nguyễn Xuân Phúc kung đơs tờm, Gơnoar atbồ lơgar geh lơh geh tơl ală bơta niam ai ală Mpồl lơh sa dờng bơh lơgar ndai dê tàm hơ\ geh Hàn Quốc bơcri priă mờ rề ơnàng lơh sa, kă bro tàm Việt Nam, kung bè lơh geh jơh ală bơta niam nàng tam klac lơh broă bal đah Việt Nam mờ Hàn Quốc pơn jat tai bơtàu tơnguh geh cồng nha tàm tơngai tus, pơgồp bơnah lơh gơs sơrlèt khà jơnau kờn ai priă lơh geh bơh kă bro phan đah 2 lơgar geh 70 tơmàn dolar Mỹ tơnơ\ 5 nam tai.

Cau cih mờ yal tơngi\t- Lơ Mu K’ Yến