VOV4.K’ho - Mho òr (11/4), tàm hìu lơh broa\ Gơnoar atbồ lơgar, ồng Nguyễn Xuân Phúc  kuang gơs gơnap  gơnoar atbồ hơđang rlau jơh dà lơgar wa\ ồng Jose Almendras kuang atbồ gah cri bơyai broa\ lơh bal mờ lơgar ndai lơgar Philippines gam geh dơ\ tus còp mờ lơh broa\ tàm Việt Nam.

Tàm bùi wa\, ồng Nguyễn Xuân Phúc sồr Gơnoar atbồ lơgar 2 lơgar pơnjat tai dong tơl bơta bươn boài rlau tai tàm chul chồl git gip lơh broa\ bal bơcri ka\ bro bơh mpồl lơh sa ka\ bro 2 lơgar, tàm  hơ\, geh dong lơh lài tam klac ka\ bro  phe. Ồng Nguyễn Xuân Phúc đơs tờm: Lơh broa\ bal lơh sa geh bơnga\ kuơ màng ngan lam bồ lài,  la dùl tàm ala\ lơgar tus bal tàm broa\ lơh TPP dơ\ sơnrờp, Việt Nam sùm sền gròi mờ dong tơl bơta bươn boài tus mpồl lơh sa ka\ bro lơgar Philippines tus lơh broa\ bal tàm Việt Nam. Ồng Nguyễn Xuân Phúc kung sồr 2 lơgar geh chul chồl rlau  tam klac tàm gah sền gàr dà lơgar. Ồng Nguyễn Xuân Phúc kơp kờ` 2 gah tơngguh  tam klac bơsong ala\ broa\ lòng bal bè sền gàr ngap lơngai gùng dà lềng,  rcang sơndra\ sò tơm iơh bơsac, rcang sơndra\ tìs gan nhàr lơgar tài bơta bal sền gàr ngap lơngai,  niam mờ pas gơs tàm kơnhoàl mờ tàm dunia.

Cau cih mờ yal tơnggit K’ Brọp