VOV4.K’ho – Mho òr 24/5, tàm Hìu duh broă Gơnoar atbồ lơgar dê, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar wa\ ồng Carlos Mesquita kuang atbồ Gah Gùng lòt pơndiang phan mờ mblàng yal jơnau lơgar Mojambique gam geh dơ\ lòt còp mờ lơh broă tàm Việt Nam.

Ồng Nguyễn Xuân Phúc sồr 2 gah jơh nùs chul chồl uă rlau tai ală broă lơh tam klac lơh bal tàm ală broă lơh gùng lòt pơndiang phan, bè gờn lơh jơh cribơyai mờ yal mờ Gơnoar atbồ lơgar bè jơnau sồr ki\ Jơnau pơrgon pơndiang phan gah rơndeh par đah bàr lơgar; sơlơ tam klac bal tam pà bal bơta mờng chài tàm ală broă lơh, bè: ờdo ờdă gùng lòt, lơh pràn tam klac bal bơto bơtê mpồl cau lơh broă tàm gah lơh broă gùng lòt pơndiang phan. Bè broă lơh viễn thông, ồng Nguyễn Xuân Phúc sồr bàr gah pơn jat tai geh ală gùng dà broă lơh mờ broă lơh dong kờl broă lơh bơh Mpồl lơh sa dờng Viễn thông ling klàng (Viettel) tàm lơgar Mojambique, kung bè chul chồl ală mpồl lơh sa kă bro bơh bàr lơgar dê sơlơ tam klac bal bơcri priă, bơto ngui măy mok jak chài tàm gah lơh broă do. Ồng Nguyễn Xuân Phúc kung sồr đah lơgar Mojambique dong kờl bàr pe broă lơh ai Viettel in; sền gàr niam bơta lơngăp lơngai, phan bơna jơtài ai cau bơcri priă lơgar Việt Nam in tàm lơgar Mojambique.

Cau cih mờ yal tơngi\t- Lơ Mu K’ Yến