VOV4.K’ho – Mho òr 1/6, tàm Hìu duh broă Gơnoar atbồ lơgar, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar wa\ ồng Xay-xỉ Xẳn-tị-vông kuang atbồ Gah lơh broă adat boh lam lơgar Lào gam geh dơ\ lòt còp mờ lơh broă tàm Việt Nam.

Tàm dơ\ wa\, ồng Nguyễn Xuân Phúc đơs niam ngan dơ\ lòt còp bơh ồng Xay-xỉ Xẳn-tị-vông dê kung bè cồng nha cribơyai đah bàr Gah lơh broă adat boh lam Việt Nam mờ Lào. Ồng Nguyễn Xuân Phúc đơs tờm, bơta gi\t gơ\p lơh bơyô bal, ờs mờng bơh yau, tam klac bal dờng màng, lơh broă bal tơl làm đah Việt Nam mờ Lào tàm tơngai lài pơn jat tai geh sơlơ lơh uă tai mờ bơtàu tơnguh niam bơne\ tàm uă broă, geh cồng nha mờ geh kuơ ngan ngồn. Ồng Nguyễn Xuân Phúc pin dờn, là bàr lơgar geh pơn jat tai mu\t lơh Jơnau pơrgon bè tam klac bal bàr gah đah bàr Gơnoar atbồ lơgar tơngai bơh nam 2016- 2020 mờ Jơnau ring bal bè Broă rơndăp lơh tam klac lơh broă bal đah Gơnoar atbồ bàr lơgar nam 2016 geh ki\ di Dơ\ pơrjum dơ\ 38 Anih duh broă ală Gơnoar atbồ lơgar Việt Nam mờ Lào tàm Vientiane, lơgar Lào nhai 12/2015, ai bơta gi\t gơ\p đah Việt Nam mờ Lào ngai sơlơ bơtàu tơnguh ngan ngồn, geh kuơ mờ geh cồng nha, tài bơta kuơ bơh làng bol bàr lơgar, tă pơgồp jơh nùs ai bơta ring lơngai, kơ\ kơl jăp, tam klac bal mờ bơtàu tơnguh tàm tiah do mờ tàm dunia.  

Cau cih mờ yal tơngi\t- Lơ Mu K’ Yến