VOV4.K’ho – Mho òr, 17/6, tàm hìu lơh broă gơnoar atbồ lơgar, ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar neh wă ồng Xu-phăn Kẹo-mi-xay kuang atbồ gah rơndap broă mờ bơcri priă lơgar Lào mờ mpồl lơh broă gam geh dơ\ tus còp mờ lơh broă mờ gah rơndap broă mờ bơcri priă lơgar Việt Nam.

Tàm dơ\ wă, ồng Nguyễn Xuân Phúc đơs tờm, Đảng, dà lơgar mờ làng bol Việt Nam jơh nùs sền dờng màng git gơp lơh broă bal neh geh bơt bơtàu mờ màng kis bơh ală rơnàng 2 jơi bơtìan Việt Nam mờ Lào dê. Ồng Nguyễn Xuân Phúc đơs tờm, Việt Nam geh pơnjat tai lơh jơh pràn nàng dong kờl lơgar Lào tàm broă lơh bơtàu tơnguh dà lơgar, chul chồl pràn kơldang tam klac 2 lơgar kung bè pơ gồp bal krà` cê, geh cồng nha tàm ală cribơyai dunia mờ kơnhoàl. Ồng Nguyễn Xuân Phúc đơs tờm, Gah rơndap broă mờ bơcri priă 2 lơgar pal tam pà mờng chài chồl pràn tam gơl sră nggal lơh broă; chồl pràn tam klac tàm uă gah kuơ màng bè gùng lòt, kă bro, năng lượng, priă jền. Bal mờ hơ\ là chồl pràn cribơyai, tam pà mờng chài bè bơt bơtàu, mut lơh ală broă lơh bơtàu tơnguh lơh sa mpồl bơtiàn, gàr kơ\ broă lơh sa dờng, rơcang sơndră bơta gờmu khà priă, tơnguh tă dia mờ bơcri priă dà lơgar.

                  Cau cih mờ yal tơngit K’ Duẩn.