VOV4.K’ho – Mho mang òr, 20/4, ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar wă ồng Park Sam Koo kuang atbồ mpồl lơh sa dờng Kumho Asiana lơgar Hàn Quốc.

Đơs tàm dơ\ wă, ồng Nguyễn Xuân Phúc đơs tờm, gơnoar atbồ lơgar Việt Nam sùm sền dờng màng, dong kờl ală cau bơcri priă lơgar ndai geh bơcri, kă bro tàm lơgar Việt Nam. Ồng Nguyễn Xuân Phúc đơs niam ală tă pơgồp bơh ồng Park Sam Koo mờ mpồl lơh sa dờng Kumho Asiana tàm ală gah kă bro, bơcri priă, chài rơ gơi, bơto bơsram, pơgồp bơnah sơlơ tơnguh git gơp niam bơne\ đah Việt Nam mờ Hàn Quốc. Ồng Nguyễn Xuân Phúc kơp kờ`, mpồl lơh sa dờng Kumho Asiana pơnjat tai bơtàu tơnguh broă bơcri kă bro, mut lơh uă broă lơh dong kờl bơto bơsram tus mờ ală cau bơsram dờng lơgar Việt Nam in tàm tơngai tus. Ồng Nguyễn Xuân Phúc đơs tờm, gơnoar atbồ lơgar Việt Nam gam pơnjat tai tam gơl anih bơcri priă, kă bro, ai tơl bơta [uơn nàng gơ hòi gơ jà uă cau bơcri lơgar ndai mut bơcri priă tàm lơgar Việt Nam, tàm hơ\ geh ală cau bơcri priă lơgar Hàn Quốc. Ồng Nguyễn Xuân Phúc đơs, Hàn Quốc là dùl tàm ală lơgar bơcri priă dờng ngan tàm lơgar Việt Nam.

                                 Cau cih mờ yal tơngit K’ Duẩn.