VOV4.K’ho - Mho òr (4/5), tàm Hìu lơh broa\ Gơnoar atbồ lơgar, ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar neh wa\ ồng Shin Jong Kyun kuang atbồ mpồl lơh sa dờng Samsung gam geh dơ\ tus lơh broa\ tàm lơgar he.

Tàm bùi wa\,  ồng Nguyễn Xuân Phúc neh đơs niam broa\ mpồl lơh sa dờng lam bồ  dunia bè Samsung gam lơh ngan bơcri tàm Việt Nam, mờ ờ ua\ khà pria\ dờng ngan geh bơcri mờ ờ ua\ pơrgon bơcri jo\ sơnam tàm gah công nghệ cao. Do la jơnau đơs tờm pràn ngan  tus bơta gơ hòi gơ jà bơh anih tus Việt Nam. Ồng Nguyễn Xuân Phúc đơs tờm, Samsung la cau bơcri lơh tơn bơh lơgar cau dờng ngan tàm Việt Nam mờ 6 broa\ lơh, kờp jơh khà pria\ bơcri gơguh tus 14 tơmàn 86 tơlak dolar, geh ta\ pơ gồp ngan tàm  pria\ geh lơh sa phan  tơmut tơlik mờ lơgar cau Việt Nam in. Ala\ broa\ lơh bơh Samsung tàm Việt Nam neh ai geh broa\ lơh rlau 130 rbô na\ cau lơh broa\. Ala\ cồng nha lơh geh, geh ta\ pơ gồp ngan ngồn tàm  bơta git gơp lơh broa\ bal kuơ màng Việt Nam-Hàn Quốc jat gùng lơh dờng màng, geh cồng nha. Ồng Nguyễn Xuân Phúc đơs tờm tai,  Gơnoar atbồ lơgar Việt Nam geh dong tơl bơta bươn boài tus broa\ lơh bơcri lơh sa, ka\ bro bơh mpồl lơh sa dờng tàm Việt Nam geh cồng nha rlau tai.

                   Cau cih mờ yal tơnggit K’ Brọp