VOV4.K’ho - Mho òr (24/6),  tàm Hìu lơh broa\ Gơnoar atbồ lơgar, ồng Nguyễn Xuân Phúc kuang gơs gơnap gơnoar atbồ hơđang rlau jơh dà lơgar neh wa\ ồng Kevin Rudd kuang gơs gơnap gơnoar atbồ hơđang rlau jơh dà lơgar Australia lài do.

            Ồng Nguyễn Xuân Phúc ai  git,  bơta git lơh broa\ bal tơl làm bơh 2 lơgar gam lơh geh ua\ ngan cồng nha niam bơne\. Pria\ geh bơh ka\ bro 2 lơgar gơguh kờp bal 10% tàm dùl nam. Australia la drà ka\ bro kuơ màng ngan bơh  ua\ ngan  phan bơna geh tơlik tac bơh Việt Nam  tàm hơ\ geh phan lơh geh bơh suơn sre. Ồng Nguyễn Xuân Phúc đơs tờm,  Việt Nam kơp kờ` tam klac nền nòn ngan mờ lơgar Australia tàm  tơl ala\ broa\: Gùng dra\ bal,  ka\ bro,  bơcri,  chài rgơi,  bơto bơtê bơsram, geh sồr  2 lơgar pal lơh ngan nền nòn  rlau tai tàm ala\ broa\ lơh  bal tàm ala\ dơ\ cri bơyai  ala\ lơgar rềp bal mờ dunia tài ngap lơngai mờ pas gơs. Bơh broa\ lơh hơ\,  ồng Nguyễn Xuân Phúc pin dờ` la git gơp Việt Nam-Australia geh  sùm  dờng pràn, pờ geh broa\ lơh pa tàm rài git gơp tam klac lơh broa\ bal bơh lơgar.

                   Cau cih mờ yal tơnggit K’ Brọp