VOV4.K’ho - Mang òr (25/4), tàm Hìu lơh broa\ Gơnoar atbồ lơgar, ồng Nguyễn Xuân Phúc kuang  gơs gơnap gơnoar atbồ hơđang rlau jơh dà lơgar wa\  ồng Philipp Rosler kuang atbồ đơng lam cri bơyai lơh sa dunia gam còp Việt Nam.

            Tàm bùi wa\,  ồng Nguyễn Xuân Phúc neh ưn ngài ồng Philipp Rosler neh sùm dong kờl Việt Nam mut lơh ala\ broa\ lơh bơtàu tơnguh lơh sa-mpồl bơtìan. Geh đơs jơnhua pơrya bơh dơ\ pơrjum đơng lam cri bơyai lơh sa dunia Mekong tàm Việt Nam nam 2016. Ồng Nguyễn Xuân Phúc neh  đơs mờ ồng Philipp Rosler geh lơh bal nền nòn ngan mờ Gah cri bơyai broa\ lơh bal mờ lơgar ndai lơgar Việt Nam dê geh bơyai lơh geh cồng nha pơrjum dờng màng do. Đơs tàm bùi wa\, ồng Philipp Rosler neh gờm chờ tus mờ ồng Nguyễn Xuân Phúc la cau atbồ Gơnoar atbồ lơgar, mơ kung geh đơs bơta kơp kờ` ồng Nguyễn Xuân Phúc pơnjat tai geh lơh pràn ala\ broa\ lơh tam klac bal mờ cri bơyai lơh sa dunia. Ồng Philipp Rosler kung pin dờ` bơh bơta đơng lam bơh ồng Nguyễn Xuân Phúc, gah broa\ lơh mpồl lơh sa ka\ bro cau dùl na\ sa\ is geh slơ ngai slơ ta\ pơ gồp kuơ màng ngan tus mờ broa\ lơh bơtàu tơngguh rài lơh sa bơh Việt Nam.

                        Cau cih mờ yal tơnggit K’ Brọp