VOV4.K’ho – Mho òr 16/6, tàm hìu duh broă Gơnoar atbồ lơgar dê, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar wa\ rò ồng Thanasac Patimaprokon kuang jat jơng gơs gơnăp gơnoar atbồ hơđang rlau jơh dà lơgar Thái Lan gam geh dơ\ lòt còp mờ lơh broă tàm lơgar Việt Nam.

             Tàm dơ\ wa\, ồng Nguyễn Xuân Phúc đơs tờm: Việt Nam sùm kơ\p kờn Thái Lan kơ\ kơl jăp, bơtàu tơnguh mờ kơ\p kờn bàr lơgar lơh kơ\ kơl jăp bơta gi\t gơ\p tam klac bal, tă pơgồp tàm bơta ring lơngai, kơ\ kơl jap bơh bàr lơgar mờ tàm tiah do dê. Ồng Nguyễn Xuân Phúc sồr bàr lơgar pơgồp bal mu\t lơh niam Broă lơh broă mu\t lơh bơta gi\t gơ\p lơgar lơh broă bal dờng màng jo\ jòng bơh nam 2014- 2018; mu\t lơh geh cồng nha Jơnau ring bal pơrjum gơnoar atbồ lơgar bal Việt Nam mờ Thái Lan tàm tơngai tus. Bè tam klac bal lơh sa, Việt Nam mờ Thái Lan là bàr lơgar tăc phe mờ lơgar ndai uă ngan rlau jơh tàm dunia, den tàng bè hơ\, ồng Nguyễn Xuân Phúc sồr bàr lơgar kờn pal geh bơta tam klac bal nàng dong khà priă phe geh kuơ ai cau lơh broă sa bàr lơgar in. Bal mờ hơ\, ồng Nguyễn Xuân Phúc đơs là, bàr lơgar kờn pal chul chồl tam klac bal kă bro, bơcri priă đah bàr lơgar pràn kơldang rlau. Ồng Nguyễn Xuân Phúc pà gi\t, uă ngan ală rơndăp broă lơh bơh lơgar Thái Lan dê bơcri tàm Việt Nam ndrờm lơh geh cồng nha mờ jờng rơ ală cau bơcri priă lơgar Thái Lan bơcri priă tàm lơgar Việt Nam.

                                         Cau cih mờ yal tơngi\t- Lơ Mu K’ Yến