VOV4.K’ho – Dờp jơnau jà bơh ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar Việt Nam dê, ồng Thoong-lun Xi-xu-lit kuang gơs gơnăp gơnoar atbồ hơđang rlau jơh dà lơgar Lào mờ Mpồl kuang bàng ala mat dờng màng Gơnoar atbồ lơgar Lào còp gi\t gơ\p lơh bơyô ngan ngồn lơgar Việt Nam bơh ngai 15 tus ngai 17/5. Drim òr 15/5, tàm Cơldu\ lơh broă Gơnoar atbồ lơgar dê, ồng Nguyễn Xuân Phúc neh wa\ rò dờng ngan mờ cribơyai broă mờ ồng Thoong-lun Xi-xu-lit.

 Ala mat Gơnoar atbồ lơgar mờ làng bol Việt Nam, ồng Nguyễn Xuân Phúc neh jơh nùs jờng rơ chờ gờm ồng Thoong-lun Xi-xu-lit mờ ală kuang bàng tàm Mpồl ala mat dờng màng Gơnoar atbồ lơgar Lào lòt còp ngan ngồn Việt Nam; chờ gờm ồng Thoong-lun Xi-xu-lit geh Gơnoar ala mat dà lơgar Lào pin dờn pồ at gơnoar broă Kuang gơs gơnăp gơnoar atbồ hơđang rlau jơh dà lơgar Lào; Đơs tờm broă ồng Thoong-lun Xi-xu-lit rwah Việt Nam là lơgar lòt còp ngan ngồn tơn tơnơ\ tu\ bàr lơgar bơyai lơh geh cồng nha Pơrjum dờng Đảng, Gơnoar ala mat dà lơgar pồ geh Mpồl kuang bàng đơng lam pa neh tơngo\ bơta sền dờng màng bơh Gơnoar atbồ lơgar Lào dê gơ wèt tus mờ bơta gi\t gơ\p tam klac lơh bơyô bal đah Lào mờ Việt Nam. Tàm dơ\ cribơyai broă ngan ngồn, bàr gah kung đơs tờm bơta lơh ngan jơh nùs bơh bàr Đảng, bàr Dà lơgar mờ làng bol bàr lơgar dê pơn jat tai sền gàr mờ bơtàu tơnguh bơta gi\t gơ\p dùl nùs bal mờ tam klac bal dờng màng đah Việt Nam mờ Lào. Bàr gah đơs tờm geh pơgồp bal kơ\ kơl jăp nàng lam mu\t lơh niam ală jơnau ring bal bơh kuang đơng lam dờng màng bơh bàr lơgar dê bè sơlơ tơnguh tai bơta gi\t gơ\p gùng dră bal, lơh broă mờ lơgar ndai, lơngăp lơngai, sền gàr dà lơgar kung bè tam klac bal tàm ală broă lơh sa, kă bro, bơcri priă; dùl nùs ring bal đơng lam ală gah sơnah lơh broă mờ ală càr, [òn dờng mu\t lơh geh cồng nha Broă rơndăp lơh tam klac lơh broă bal đah 2 Gơnoar atbồ lơgar nam 2016 mờ Jơnau pơrgon tam klac lơh broă bal 2 gah đah Việt Nam mờ Lào tơngai bơh nam 2016- 2020; pơn jat tai lơh kơ\ kơl jăp wơl Anih duh broă ală Gơnoar atbồ lơgar bè tam klac lơh broă bal đah 2 gah nàng anih lơh broă do lơh broă geh cồng nha jơnhoa ngan rlau jơh.

Cau cih mờ yal tơngi\t- Lơ Mu K’ Yến