VOV4.K’ho – Drim òr, 01/8, ồng Nguyễn Xuân Phúc, Kuang gơs gơnap gơnoar atbồ hơđang rlau jơh dà lơgar đơng lam pơrjum ờs mờng Gơnoar atbồ lơgar nhai 7. Do là pơrjum sơn rờp bơh Gơnoar atbồ lơgar dê tơnơ\ pơrjum dơ\ 1 Gơnoar ala mat dà lơgar kơnă 14 neh pồ mờ ki\ kơrnuat mat ală kuang bàng tàm Gơnoar atbồ lơgar, tơngai lơh broă bơh nam 2016 tus nam 2021. Ồng Nguyễn Xuân Phúc dờp git, ală bơta gơlik geh tàm lơgar mờ dunia gam uă kal ke, ală kuang bàng tàm Gơnoar atbồ lơgar pal git loh nàng đal git kơnòl tàm jơh tơngai lơh broă. Ồng Nguyễn Xuân Phúc sồr mờr tus, ală kuang atbồ Gah broă lơh tàm Gơnoar atbồ lơgar pal rơcang lài, mblàng yal broă mut lơh, tam gơl pa broă mut lơh, tơnguh kơnòl cau dùl nă să is, ba` lơh broă jat nùs nhơm is să tờm dê, ba` tràl sơbil, tài kơnòl bal mờ bơta kuơ bơh làng bol dê.

          Cau cih mờ yal tơnggit K’ Duẩn