VOV4.K’ho – Mho òr 14/7, ồng Nguyễn Xuân Phúc kuang gơs gơnăp gơnoar atbồ hơđang rlau jơh dà lơgar neh bơyai lơh dơ\ tìp mat mờ ồng Lý Khắc Cường kuang gơs gơnăp gơnoar atbồ hơđang rlau jơh dà lơgar Lo di dơ\ lòt Pơrjum Kuang bàng dờng màng châu Á mờ châu Âu (ASEM) dơ\ 11 tàm Ulanbato, lơgar Mông Cổ.

Ồng Nguyễn Xuân Phúc đơs tờm, Việt Nam kơ\ dơn nùs nhơm ờ tu\ lơi tam gơl gùng dà broă lơh mờ lơgar ndai ring lơngai, lơh tờm is, tam klac bal mờ uă lơgar, lơh broă bal mờ uă lơgar mờ mu\t gơrờm bal uă mờ dunia, sền dờng màng bơtàu tơnguh bơta gi\t gơ\p lơgar rềp bal lơh bơyô bal, tam klac bal tơl làm mờ lơgar Lo. Ồng Nguyễn Xuân Phúc sồr đah lơgar Lo sơlơ blơi ală bơta phan bơh lơgar Việt Nam dê geh bơta pràn uă, bè phan lơh geh bơh sươn sre, brê bơnơm, phan tàm dà; jờng rơ ală mpồl lơh sa kă bro geh bơta pràn jak ngan ngồn bơh lơgar Lo dê bơcri priă tàm ală rơndăp broă lơh dipal mờ jơnau kờn bơtàu tơnguh kơ\ kơl jăp bơh Việt Nam dê. Bè bơta Dà lềng đah mat tơngai lik, ồng Nguyễn Xuân Phúc sồr bàr lơgar lơh jat bal niam ală jơnau ring bal mờ jơnau gi\t wa\ bal bơh Kuang bàng đơng lam bồ dờng màng dê, tàm hơ\ geh “Jơnau ring bal bè ală bơta pal jat kuơmàng đơng lam bơsong bơta tàm dà lềng đah Việt Nam mờ Lo”, mu\t lơh ală broă lơh cribơyai tàm dà lềng gờn geh lơh ngan ngồn, mơkung gròi sền niam bơta ờ ring bal tàm dà lềng.

Cau cih mờ yal tơngi\t- Lơ Mu K’ Yến