VOV4.K’ho – Mho òr 25/8, tàm Hìu duh broă Gơnoar atbồ lơgar, ồng Nguyễn Xuân Phúc, Kuang gơs gơnăp gơnoar atbồ hơđang rlau jơh dà lơgar wa\ rò mpồl lơh sa kă bro dờng màng Mpồl duh broă kă bro lơgar Mỹ mờ Asean (US-ABC) bơh ồng Alexander Feldman, Kuang atbồ mờ kung là Kuang đơng lam Mpồl lơh sa kă bro dờng màng Mpồl duh broă kă bro lơgar Mỹ mờ Asean lam bồ. Tàm dơ\ wa\ rò, ồng Nguyễn Xuân Phúc đơs niam ngan ală broă lơh dong kờl, tam klac lơh broă bal bơh ală mpồl lơh sa kă bro lơgar Mỹ dê gơ wèt tus mờ ală mpồl lơh sa kă bro lơgar Việt Nam. Ồng Nguyễn Xuân Phúc jờng rơ Mpồl duh broă kă bro lơgar Mỹ mờ Asean neh lơh ală broă lơh dong kờl bơta chài măy mok geh cồng nha, dipal, dong kờl ală mpồl lơh sa kă bro lơgar Việt Nam gơrờm mờ ngui geh cồng nha tu\ tơngai niam bơh Jơnau hơ pơrgon tam klac lơh broă bal gùt Thái Bình Dương (TPP). Ồng Nguyễn Xuân Phúc đơs tờm bơta lơh ngan jơh nùs bơh lơgar Việt Nam dê là bơ\t bơtàu dùl Gơnoar atbồ lơgar bơ\t bơtàu bơceh pa, song dơ pă, loh làng, lơh broă, lơh geh tơl ală bơta [ươn ai ală mpồl lơh sa kă bro, cau bơcri priă lơgar ndai in lơh sa geh cồng nha tàm lơgar Việt Nam.

Ồng Nguyễn Xuân Phúc, Kuang gơs gơnăp gơnoar atbồ hơđang rlau jơh dà lơgar ku\p tê mờ ồng Alexander Feldman, Kuang atbồ Mpồl duh broă kă bro Mỹ mờ Asean

Ala mat mpồl lơh sa kă bro dờng màng Mpồl duh broă kă bro lơgar Mỹ mờ Asean ưn ngài ồng Nguyễn Xuân Phúc neh lời tu\ jiơ wa\ rò, ồng Alexander Feldman đơs tờm, ală mpồl lơh sa kă bro lơgar Mỹ kơ\p kờn geh tă pơgồp bơta pràn he dê tàm bơta bơtàu tơnguh lơh sa bơh lơgar Việt Nam dê, hơ pơrgon bal kơnòl mpồl bơtiàn tàm ală tu\ lơh sa tàm lơgar Việt Nam.

Cau cih mờ yal tơngi\t- Lơ Mu K’ Yến