VOV4.K’ho - Ngai (27/2) tàm [òn dờng Lào Cai, càr Lào Cai, Anih duh broă kòn cau neh bơyai lơh porjum tơn jơh broă lơh kòn cau, broă kòn cau tơngai bơh nam 2011 tus 2015 mờ lơh jăt kơnòl broă lơh nam 2016. Ồng Nguyễn Xuân Phúc, kuang jăt jơng gơs gơnăp gơnoar atbồ hờ đang rơlao jơh dà lơgar neh tus mờ đơng lam pơrjum.

Jăt jơnau yal bơh anih duh broă kòn cau dê, broă kòn cau tơngai bơh nam 2011 tus 2015 ai làng bol kòn cau in di pal, tơl ală bơta tàm ală gah lơh broă mờ ndrờm bal tàm ală tiah làng bol kòn cau mờ kơh bơnơm. Đơs tàm dơ\ đơng lam pơrjum, ồng Nguyễn Xuân Phúc, kuang jăt jơng gơs gơnăp gơnoar atbồ hờ đang rơlao jơh dà lơgar mờ là kuang atbồ đơng lam Tây Bắc neh đơs tòm: geh 5 cồng nha dờng màng tàm broă kòn cau tơngai lơh broă pa do là: kơrnoăt adăt boh lam, broă ai bè broă kòn cau sơlơ ngai sơlơ lơh gơs niam; bơta pràn kờ` lơh jăt broă kòn cau sơlơ ngai sơlơ geh uă bơta mờ ngui geh cồng nha rơlao; broă đơng lam, lam bồ geh tơrgùm bal rơlao mờ broă pơgồp bal bơh ală Gah, mpồl lơh broă dà lơgar niam rơlao, lơh sa- mpồl bơtiàn tiah làng bol kòn cau tam gơl loh làng; Mpồl kuang bàng lơh broă gah kòn cau geh mờng chài, jơh nùs. Bu\ lah kal ke gam uă, mơya ồng Nguyễn Xuân Phúc neh sồr, broă kòn cau nam 2016 mờ tơngai bơh nam 2016 tus 2020 pal sền gròi: “Tơnguh uă kơnòl mờ nùs nhơm he dê, ală Gah, mpồl lơh broă, ală càr, [òn dờng mờ broă kòn cau, kờ` bơh tu\ hơ\ bơ\t bơtàu broă lơh gah kòn cau di pal, rơcang lài, bơceh pa, mùl màl, geh cồng nha. Sền gròi tus tiah nhàr dà lơgar, kòn cau, kơh bơnơm là 1 jơnau g^t, geh kơnòl bơh ală kuang bàng đơng lam tàm ală kơnă kờ` lơh jăt khà, wèt tus gùng dà chủ nghĩa-xã hội”.

        Cau cih mờ yal tơng^t Ndong Brawl