VOV4.K’ho - Ngai òr (17/8), tàm Hà Nội, gah dơlam is dà lơgar neh bơyai lơh tơnkah 70 nam ngai crơng gơs, ngai bơhiàn gah bơyai broă dà lơgar mờ pơrjum dờng pơlòng kờ` gơboh mờ dà lơgar dơ\ 3. Tàm dơ\ tơnkah, ồng Nguyễn Xuân Phúc, kuang jăt jơng gơs gơnăp gơnoar atbồ hờ đang rơlao jơh dà lơgar neh crang gai lòng Hồ Chí Minh tềng bồng bi bơhiàn gah dơlam is dà lơgar. Chờ gờm ală cồng nha mờ gah dơlam is dà lơgar, gah bơyai broă dà lơgar neh geh tàm 70 nam do, ồng Nguyễn Xuân Phúc đơs là, tơngai tus, gah bơyai broă dà lơgar pal lơh ngan rơlao tai, tơrgùm broă bơ\t bơtàu kơrnoăt, di pal mờ broă sền gàr dà lơgar; rơcang sền wơl, tơn jơh broă lơh gơnoar atbồ bơh dà lơgar tus mờ ală càr, [òn dờng kờ` bơ\t bơtàu rơndăp broă, broă bơyai lơh Gơnoar atbồ lơgar tơngai bơh nam 2016 tus 2021. Tơnơ\ mờ dơ\ tơnkah, Gah dơlam is dà lơgar neh bơyai lơh pơrjum dờng pơlòng kờ` gơboh mờ dà lơgar dơ\ 3. Ồng Nguyễn Xuân Phúc sồr Gah dơlam is dà lơgar pơn jăt tai chồl pràn broă pơlòng kờ` gơboh mờ dà lơgar pơgồp bal mờ broă lơh jăt ală kơnòl gùng dră bal mờ broă lơh tòm. Ală broă pơlòng pal bơ\t bơtàu loh tơngu me mờ broă lơh. Mờ ală pơlòng pal geh uă, sùm lam sồr, sền gròi, di tu\ pơn jờng ală mpồl, cau 1 nă să geh cồng nha jăk.

Cau mblàng Ndong Brawl