VOV4.K’ho - Drim òr (10/8), tàm Hà Nội, gah anih ling klàng ơm gơwèt đah dong broă, gah sền gàr dà lơgar bơyai lơh tơnkah 60 nam ngai bơhiàn (10/8/1955-10/8/2015) mờ dờp gai lòng sền gàr dà lơgar khà 3. Ồng Nguyễn Xuân Phúc, kuang jăt jơng gơs gơnăp gơnoar atbồ hờ đang rơlao jơh dà lơgar neh sồr, đah anih ling klàng ơm pal lơh jăt nền nòn gùng dà, nùs nhơm broă lơh Đảng, Dà lơgar dê bè broă tam lơh làng bol, dong broă gùt làng bol, lơh niam broă pơlam mpồl đơng lam Đảng gah ling klàng dà lơgar, Gah sền gàr dà lơgar; gàr niam di pal mờ mờ broă bơto ling, tu\ lơi kung rơcang tam lơh sền gàr gơnoar ù tiah dà lơgar, tàm hơ\ uă ngan là tàm tiah nhàr dà lơgar, tiah bồt dà lềng. Đah anih ling klàng ơm dà lơgar kung pal tơnguh bơta pràn anih ling klàng ơm ai kơnòl sơndră, tơmù ală rềs àr bơh trồ tiah, jòi dong klàs cau gơtìp rềs àr. Mờ kơlôi sơnơng lơh gơs rơndăp broă mờ tơnguh khà niam bơ\t bơtàu broă lơh anih ling klàng ơm gùt ling klàng jăt di pal mờ broă bơ\t bơtàu ling klàng jăk chài, ngăc ngar, rơhời lơh pa.

Cau mblàng Ndong Brawl