VOV4.K’ho - Mho òr (09/9), tàm hìu lơh broă Gơnoar atbồ lơgar, ồng Nguyễn Xuân Phúc, kuang jăt jơng gơs gơnăp gơnoar atbồ hờ đang rơlao jơh dà lơgar neh wă ala măt ală anih lơh sa kă bro lơgar Mỹ tàm lơgar Singapore geh ồng Kirk Wagar, kuang ala măt lơgar Mỹ tàm lơgar Singapore lam bồ tus còp lơgar Việt Nam. Tàm dơ\ wă, ồng Nguyễn Xuân Phúc neh chờ gờm mpồl anih lơh sa kă bro lơgar Mỹ tàm lơgar Singapore tus còp lơgar Việt Nam bal mờ uă broă lơh tơnkah 20 nam crơng gơs broă lơh bal bơh lơgar Việt Nam mờ lơgar Mỹ. Ồng Nguyễn Xuân Phúc pà g^t: Tàm ală nam do, broă lơh sa lơgar Việt Nam geh uă cồng nha bè ring niam broă lơh sa dờng, tơmù gơguh khà priă kă bro, ai tơl bơta tơnguh lơh sa kơl jăp, khà lơh sa tơnguh geh mờr 6% tàm 1 nam tàm 5 nam do, khà ngui sa gơmù uă, khà tăc phan mờ lơgar bơdìh tơnguh 18%... Do là ală bơta tòm kuơ màng kờ` broă lơh sa lơgar Việt Nam tơnguh bơtàu ring niam mờ kơl jăp tàm tơngai tus.