VOV4. K’ho - Mho òr 15/1, tàm Hà Nội, Mpồl gi\t gơ\p lơh bơ yô bal Việt Nam mờ Lào bơyai lơh Dơ\ pơrjum tơr gùm să tơngkah 40 nam Ngai crơng gơs Mpồl gi\t gơ\p lơh bơ yô bal Việt Nam mờ Lào. Ồng Nguyễn Xuân Phúc kuang jăt jơng gơs gơnăp gơnuar atbồ hơđăng rlao jơh dà lơgar, mơkung là Kuang atbồ Mpồl lơh kơnòl broă tam klăc bal Việt Nam mờ Lào tus bal dơ\ bơyai lơh tơngkah. Ala mat kuăng bàng đơng lam atbồ Đảng, Dà lơgar, ồng Nguyễn Xuân Phúc kuang jăt jơng gơs gơnăp gơnuar atbồ hơđăng rlau jơh dà lơgar đơs niam ngan ală bơta tă pơ gồp bơh Mpồl gi\t gơ\p lơh bơ yô bal dà lơgar mờ ală mpồl gi\t gơ\p lơh bơ yô bal càr mờ bòn dờng bơh Việt Nam mờ Lào dê neh lơh geh tàm sùm 40 nam do, mờ đơs tờm: 40 nam do, Mpồl gi\t gơ\p lơh bơ yô bal Việt Nam mờ Lào neh chul chồl pràn kơldăng bơta tìp măt lơh quèng đah làng bol 2 lơgar, pơ gồp bơnah kuơmàng bơ\t bơtàu bơta gi\t gơp đah Việt Nam mờ Lào. Ồng Nguyễn Xuân Phúc, đơs:“ Gi\t gơ\p đah Việt Nam mờ Lào geh bơ\t bơtàu mờ puăc mhàm bơh gi\t nđờ rơnàng cau lòt lài dê mờ gơ gơs là jơtài dờng màng ngan bơh 2 jơi bơtìan dê. Bol he, kờn pal bal mờ gơ\p sền gàr ngai sơlơ kơ\ kơl jăp, làng bol bàr lơgar ngai sơlơ tam klăc đềt mềr gi\t wa\ bal nàng bơtàu tơnguh bal. Bol he gam kis tàm dùl dunia geh uă tam gơl, mơya, bulah bơta tàm dunia geh gơ tam gơl bè lơi, den Đảng mờ Dà lơgar bal mờ làng bol Việt Nam kung gam sùm lời ai làng bol lơgar Lào oh mi in bơta kờn gơboh mờ nùs nhơm dờng màng. Gi\t gơ\p đah Việt Nam mờ Lào sùm ơm tàm anih khà dùl tàm broă lơh lơh broă mờ lơgar ndai bơh Đảng mờ Dà lơgar Việt Nam dê”.