VOV4.K’ho – Mho òr 16/07, tàm Hìu duh broă Gơnoar atbồ lơgar dê, ồng Nguyễn Xuân Phúc kuang geh jơng Gah Gùng dră bal dà lơgar mơkung là Kuang jat jơng gơs gơnăp gơnoar atbồ hơđang rlau jơh dà lơgar Việt Nam neh cribơyai broă mờ ồng Trương Cao Lệ kuang jat jơng gơs gơnăp gơnoar atbồ hơđang rlau jơh dà lơgar Lo bal mờ mpồl kuang bàng ala mat lơgar Lo. Tàm dơ\ cribơyai broă, bàr gah neh dùl nùs ring bal mu\t lơh ală broă lơh geh kuơ ngan kờ` lơh pràn tam klac lơh broă bal ngan ngồn geh kuơ bal tàm ală broă, ai bơta tam klac lơh broă bal tàm broă lơh sa kă bro đah 2 lơgar dê bơtàu tơnguh sùm, ring bal mờ niam bơne\; jơh nùs kơlôi sơnơng, cribơyai bè broă bơ\t bơtàu ală Tiah tam klac lơh bal lơh sa gan tiah nhàr lơgar đah Việt Nam mờ Lo; pơgồp bal bơsong ală bơta gam gơkòl tàm ală rơndăp broă lơh tam klac lơh bal tàm lơgar Việt Nam; chul chồl ală tiah, ngan là ală tiah nhàr lơgar bơh 2 lơgar dê rề ơnàng tìp mat lơh quèng, tam klac lơh bal geh kuơ bal kờ` sơlơ lơh uă rlau tai tìp mat lơh quèng mờ bơtàu tơnguh lơh sa tàm tiah nhàr lơgar. Bè bơta tàm dà lềng, bàr gah dùl nùs ring bal lơh jat niam ală jơnau gi\t wa\ bal bơh kuang bàng đơng lam bồ dờng màng bàr Đảng, bàr Dà lơgar dê bè broă gròi sền niam bơta ờ ring bal mờ tàm gơjra` tàm dà lềng, ờ go\ di geh broă lơh sơlơ lơh gơlik bơta kal ke, lơh gơbàn uă bơta tam pìt tam phà, bal mờ gơ\p sền gàr ring lơngai, kơ\ kơl jăp tàm Dà lềng đah mat tơngai lik.

Cau mblàng Lơ Mu K’ Yến