VOV4.K’ho – Mho òr 20/7, tàm Hìu lơh broă Gơnoar atbồ lơgar dê, ồng Nguyễn Xuân Phúc kuang geh jơng Gah Gùng dră bal dà lơgar, kuang jat jơng gơs gơnăp gơnoar atbồ hơđang rlau jơh dà lơgar, mơkung là Kuang atbồ Mpồl duh broă dong pơlam toh glài tơngklàs jàm nam 2015 đơng lam dơ\ pơrjum ală kuang bàng tàm Mpồl duh broă do kờ` mu\t lơh broă lơh toh glài tơngklàs jàm nam 2015.

Ồng Nguyễn Xuân Phúc kuang jat jơng gơs gơnăp gơnoar atbồ hơđang rlau jơh dà lơgar đơng lam dơ\ pơrjum Mpồl duh broă dong pơlam toh glài tơngklàs jàm

Jat bơta bơto pơlam bơh Kuang atbồ lơgar dê, cau geh sền sơ wì toh glài tơngklàs jàm là cau gam gơtìp lơh glài ku\p jàm geh tơngai halà jàm tus jơh rài kis neh geh tơrmù tus gam jàm geh tơngai. Mơkung pal geh tơl ală bơta pal geh, bè: Lơh jat niam jơnau pal jat tàm hìu jàm, anih ơm jàm dê, tàm ală tu\ ơm jàm geh săp khà gi\t gơjra` sang glài tam gơl pa rài kis bơh niam tus rlau hơđang; neh ơm jàm bơh rlau dùl bơnah pe tơngai jàm; cau jàm pal lơh jơh ală bơta lơh glài bơtơl là lơh glài mờ priă, tơm wơl hoàc hươr, priă yal yă, priă drơng lơh broă halà kơnòl broă ling klàng ndai…Ồng Nguyễn Xuân Phúc sồr: Ală gah sơnah lơh broă dà lơgar, mờ ală kuang bàng tàm Mpồl duh broă kờ` pal sền go\, di tu\ kơryan ală broă lơh tìs, ờ di tàm broă lơh toh glài tơngklàs jàm nàng bơsong tơn, bơh ală dơ\ lòt sền ni sơna.

                                         Cau mblàng Lơ Mu K’ Yến