VOV4.K’ho - Mho òr (22/02),  tàm [òn dờng Phan Rang-Tháp Chàm, càr Ninh Thuận, ồng Nguyễn Xuân Phúc kuang jat jơng gơs gơnap gơnoar atbồ hơđang rlau jơh dà lơgar neh geh bùi lơh broa\ mờ atbồ ala\ càr đah jum tàm gùl lơgar, Tây Nguyên mờ đah jum mat tơngai lik dà lơgar.

            Ồng Nguyễn Xuân Phúc đơs niam ala\ broa\ lơh lài geh tam dra\  lài bơh ala\ càr. Tềng đap bơta trồ prang jo\ jòng tus gùl nam 2016, ồng Nguyễn Xuân Phúc sồr ala\ càr đah jum tàm gùl lơgar, Tây Nguyên mờ đah jum mat tơngai lik dà lơgar pơnjat tai geh sền broa\ sơndra\ trồ prang la broa\ lơh lam bồ lài, kờ` jơh bal gùng dra\ bal tus bal, nàng gàr niam rài kis làng bol. Ồng Nguyễn Xuân Phúc đơs tờm: Tàm tu\ kơp Dà lơgar ai geh pria\, ala\ càr kờ` geh leng lài ala\ khà pria\ dong kờl nàng geh dong kờl di pal mo làng bol tàm tiah gơbàn trồ prang. Tơl  càr kờ` tơngguh jơnau yal tơnggit nàng geh mblàng pơlam tus làng bol git geh bơta trồ prang mờ ngui dà tềm pềr,  ngan la tam gơl chi tam  di pal. Ala\ càr kờ` lơh geh ala\ bơtơt dơng dà dờng,  sơndra\ prang jo\ jòng. Ồng Nguyễn  Xuân Phúc kung sồr mpồl đơng lam Đảng càr, anih duh broa\ làng bol ala càr tiah đah jum tàm gùl lơgar, Tây Nguyên mờ đah jum mat tơngai lik dà lơgar pal nền nòn rlau tai tàm broa\ lam sồr tam dra\ mờ bơta trồ prang, tơmù gơbàn hoàc hươr tus càr he in.

                                      Cau cih mờ yal tơnggit K’ Brọp