VOV4.K’ho –Di dơ\ bơyai lơh tơngkah Ngai Kơnràn lik lìng nam 2015, chờ gờm wa\ rò sơnam pa 2016, drim òr 13/12, ồng Nguyễn Xuân Phúc kuang jat jơng gơs gơnăp gơnoar atbồ hơđang rlau jơh dà lơgar bal mờ mpồl lơh broă neh lòt còp mờ chờ gờm Mpồl bơto pơlam jơnau yàng Cơ đốc Việt Nam tàm [òn dờng Đà Nẵng.

Ala mat Đảng mờ Dà lơgar, ồng Nguyễn Xuân Phúc pơyua tus Mpồl bal mờ ală kòn sau yàng in jơnau nting săp kơ\p kờn dùl kàl Noel lơngăp lơngai niam bơne\ mờ dùl nam pa geh uă bơta chờ hờp, bơtuah bơtoài tàm rài kis. Ồng Nguyễn Xuân Phúc đơs tờm, Đảng mờ Dà lơgar sùm sền gròi, dong kờl khat gơboh pin dờn jat yàng bơh làng bol Việt Nam dê. Ală gah jat yàng tàm Việt Nam sùm geh dong kờl lơh broă jat di mờ Sơnua boh lam mờ kơrnoat boh lam. Mơya, kờn pal kràn cê lơh glài ală cau sơmờm bơta jat yàng, bơta khat gơboh pin dờn jat yàng nàng jòi bơta kuơ is, lơh broă mờ jơnau kờn ờ niam. Ồng Nguyễn Xuân Phúc đơs niam ngan ală broă lơh bơh Mpồl dê, mơkung kơ\p kờn mpồl pơn jat tai geh bơ\t bơtàu mờ bơtàu tơnguh bal mờ bơta bơtàu tơnguh bơh [òn lơgar dê, tam klac tàm dong kờl bal đah cau ờ jat yàng mờ cau jat yàng ơm kis đềt mềr bal. Mpồl bơto pơlam jơnau yàng Cơ đốc Việt Nam crơng gơs tàm Việt Nam tàm nam 1956. Tu\ do, mpồl geh rlau 31 rbô nă kòn sau yàng, lơh broă tàm 14 càr mờ [òn dờng tàm gùt lơgar. Bal mờ làng bol [òn lơgar, ală kòn sau yàng tàm Mpồl bơto pơlam jơnau yàng Cơ đốc Việt Nam neh lơh jat uă broă lơh mpồl bơtiàn, lơh broă niam sền gàr dong kờl kòn bơnus.

Cau cih mờ yal tơngi\t- Lơ Mu K’ Yến